Tahir R.
Fransız
qadın fotorəssamın Bakı sərgisi
İçərişəhərdə yerləşən “Abşeron”
Rəsm Qalereyasında
tanınmış fransız
qadın fotorəssamı
Eve Morkretin fərdi sərgisi açılmışdır.
Ekspozisiyada yer alan bədii fotolar “Ayna — 2007" İkinci Beynəlxalq Yaradıcı Foto Festivalının baş sponsoru ”Hewlett
Paçkard" şirkəti
Azərbaycan nümayəndəliyinin
avadanlığında yüksək
səviyyədə çap
olunmuşdur. Şirkət
təkcə Eve Morkretin
əsərlərini deyil,
beynəlxalq festivalın
bütün bədii fotolarını da çap etmişdir.
“Abşeron” Rəsm Qalereyasının direktoru
Eldəniz İbrahimov
fransız fotorəssamın
dünyanı dolaşan
orijinal fotokolleksiyasının
Bakı sərgisi barədə bildirdi:
— Eve Morkretin fərdi sərgisində 32 fotokompozisiya
nümayiş etdirilir.
Onların yarısı “Metamarfozlar”,
digər yarısı
isə “Hamam” seriyasının payına
düşür. “Metamorfozlar”da qadın fiqurlarının təbiətdəki
digər məxluqlara çevrilməsinin şahidi
oluruq. Gənc qadın göz
önündəcə yırtıcı
balığa çevrilir
və ya digər canlılarla assosiasiya oluna — quşa, heyvana, ilbizə çevrilə bilər. Bir fotoda qadının
bel hissəsində tovuz quşunun bəzəkli quyruğunu görürük. Başqa model isə uzanmış ilbiz kimi təsvir
olunub. Zolaqlı model zebrə oxşayır,
digəri balıq kimi tor içində
çırpınır. Biz sərgidə payız
xəzanına qovuşan
qadının təsvirini
də görürük.
Daha bir qadın isə ekoloji fəlakət nəticəsində
sahilə atılmış
və mazut ləkələri ilə örtülmüş balığa
bənzəyir. Bütün bunlara
baxmayaraq, qadın — mələkdir. “Metamorfozlar” seriyasının
üç kompozisiyasında
qadın məhz mələk donundadır.
Eve Morkertin ikinci
maraqlı işi “Hamam” seriyasıdır.
Bu seriyada qadın
gözəlliyi tamamilə
gözlənilməz bir
rakursda tamaşaçılara
təqdim olunur. Xanım Morkretin qəhrəmanları
rəssam modellərinə
bənzəyir, tanınmış
fransız rəssamı
Delakruanın tablolarını
və Bonarın pastel
ilə çəkdiyi
kompozisiyaları xatırladır.
Bu fotolar təkcə
rəsm əsərləri
ilə deyil, fransız lirikası və musiqisi ilə də müqayidə edilə bilər.
Fransız fotorəssamı Eve Morkretin sərgisi Azərbaycan sənətsevərlərinin
böyük marağına
səbəb olmuş,
mütəxəssislər tərəfindən
yüksək qiymətləndirilmişdir.
Xalq qəzeti.-2007.-23 may.-S.5.