"Bu meydan, bu ekran!" bədii film

layihələri

İstedadlı gəncləri kino yaradıcılığına cəlb etmək, onlara kinoda özlərini sınamaq imkanı vermək, eləcə də film istehsalı ilə məşğul olan şirkətlər arasında rəqabət üçün stimul yaratmaq məqsədilə Mədəniyyət və Turizm Nazirliyi "Bu meydan, bu ekran!" bədii film layihələri müsabiqəsi keçirir. Müsabiqədə film istehsalı ilə məşğul olan dövlət və özəl studiyalar, şirkətlər iştirak edə bilərlər. Layihənin rejissorunun yaşı 37-dən artıq olmamalıdır.

Müsabiqəyə təqdim olunan layihəyə aid sənədlər paketi 2007-ci il fevralın 2-dən aprelin 15-dək bağlı zərfdə Mədəniyyət və Turizm Nazirliyinə - AZ 1016,-Bakı şəhəri, Hökumət evi, 3-cü mərtəbə, 331-ci otağa təqdim edilməlidir. Həmin devizin qeyd edildiyi ikinci bağlı zərfin içində müsabiqə iştirakçısı olan studiyanın, şirkətin adı, dövlət qeydiyyatı haqqında şəhadətnamənin surəti, poçt və bank rekvizitləri, həmçinin rejissorun, ssenari müəllifinin, prodüserin adları və əlaqə telefonları qeyd edilməlidir.

Sənədlər paketinə aşağıdakılar daxildir: çəkilişi rəqəmli daşıyıcıda nəzərdə tutulan istənilən janr, format, davametmə vaxtı göstərilməklə filmin ədəbi ssenarisi, rejissorun, ssenari müəllifinin və prodüserin gələcək film haqqında 1 səhifəlik şərhləri, layihənin təxmini, lakin 30 min manatdan çox olmayan smeta dəyəri, filmin istehsal müddəti, habelə çəkiliş qrupu və əsas rolların ifaçıları haqqında məlumat.

Sənədlər paketi tam olmadığı halda layihəyə buraxılmayacaqdır.

Münsiflər heyətinin hər bir üzvü tanış olduğu layihəni 10 ballıq cədvəl üzrə qiymətləndirir. Orta ballar hesablanmaqla ümumi rəy müəyyənləşdirilir. Onların rəyi əsasında beş ən yaxşı layihə müəyyən edilir və müvafiq protokolla sənədləşdirilir. Qaliblərin adları 2007-ci il mayın birinci ongünlüyündə "Kino+" qəzetində açıqlanacaqdır.

Müsabiqə ilə bağlı təşkilati işləri Mədəniyyət və Turizm Nazirliyinin kinematoqrafiya şöbəsi həyata keçirir.

Azərbaycan. -2007.- 27 yanvar.- S. 7.