Qismətoğlu F.
"Təlatüm"
"Melodiya" studiyası bədii
televiziya filminin video-kassetini tamaşaçıların ixtiyarına verib
"Təlatüm"
bədii televiziya filminin AzTV-də nümayiş etdirilməsi
tamaşaçıların böyük marağına
və sevincinə səbəb olub. Çünki uzun illər idi ki, Azərbaycan
televiziyasında bu səpgili tamaşalar nümayiş etdirilmirdi.
Azərbaycan tamaşaçısının
müxtəlif televiziya
kanallarında xarici teleseriallar maraqları çox olsa da, amma bu
mövzuda da bir aclıq vardı. Bu boşluğu
AzTV-nin yeni rəhbərliyi artıq doldurmağa başlayıb.
Bu yaxınlarda
isə eyni adlı kriminal roman əsasında çəkilmiş
"Təlatüm" bədii
televiziya filmi "Melodiya" studiyası tərəfindən video-kasset
kimi yüksək səviyyədə hazırlanaraq
tamaşaçıların ixtiyarına verilib. Orijinal bir
mövzuda olan bu bədii televiziya
filminin ssenari müəllifi Ənvər
Seyidovdur. Ssenaridə standartlardan
kənara çıxan
və öz orijinal fikri ilə tamaşaçı
rəğbəti qazanan
Ənvər Seyidovun bu filmi video-kasset şəklində də uğurlu alınıb.
Əsas rollarda Nurəddin Mehdixanlı,
Rafael Dadaşov, Mehriban
Xanlarova, Ramiz Məmmədov, Müdhət
Aydın, Əjdər
Həmidov çəkiliblər.
Filmdə tamaşaçıların böyük marağına
səbəb olan Müdhət Aydının
yaratdığı mənfi
obraz daha çox yadda qalandı. Təbii ki, bu da aktyor istedadının
və zəhmətinin
bəhrəsidir. Elə ona
görə də bu gün çoxları
Müdhəti həmin
obrazın adı ilə çağırır.
Filmdə prodüsser işi də diqqəti cəlb edir. Çünki filmin prodüsseri Firdovsi Cəbrayılov çəkiliş zamanı
bütün incəlikləri,
detalları unutmayıb
və çox əziyyət çəkib.
Elə ona görə də Firdovsi Cəbrayılovun işi daha yaddaqalandır. Quruluşçu rejissor Məhərrəm
Bədirzadənin və
quruluşçu operator İzzət
Əzizovun da filmdə əməkləri
var.
Ən nəhayət, "Təlatüm"
bədii televiziya filminin video-kasset kimi hazırlanıb
tamaşaçıların ixtiyarına verilməsinin
özü müsbət
haldır. Təbii ki, bu cür filmləri Azərbaycan tamaşaçıları
daha böyük maraqla gözləyir.
İnanmaq olar ki,
"Melodiya" studiyasının
hazırlayıb tamaşaçılara
təqdim etdiyi video-kasset çoxlarının
sevincinə səbəb
olacaq.
Ədalət.- 2007.- 24 yanvar.- S. 6.