Təranə
"Mücadilə"
ekranlara cıxmağa hazırdır
Azərbaycan Televiziyasında
"Azərbaycantelefilm YB"-də istehsal olunan 2 seriyalı
"Mücadilə" müəllif fılminin montaj
işləri başa çatıb. "İstiqlalın
beşiyi" və "Yüksələn bayraq"
filmlərindən ibarət olan "Mücadilə"nin bu
yaxınlarda ekranlara çıxarılması
planlaşdırılır.
Filmin ssenari müəllifı
və quruluşçu rejissoru Nazim Rzanın qəzetimizə
verdiyi məlumata görə, hər iki film 2 saat 5
dəqiqə davam edəcək. 1-ci fılm Azərbaycanda
çar rejiminə qarşı istiqlal mücadiləsinin
başlanmasının ilk illərindən, yəni 1905-1918-ci
illəri əhatə edən bir dövrü əks etdirir. Həmin
hadisələr əsasən Gəncədə baş verir.
2-ci film isə
Azərbaycanın bütövlükdə erməni
daşnakları, ingilis işğalçıları və
Sentrokaspi diktaturasına qarşı mübarizə
dövründən bəhs edir. 1918-20-ci illəri əhatə
edən bu mübarizə dövrünə təkcə
Azərbaycanın daxili mübarizəsi deyil, həmçinin
diplomatik korpusumıızun Azərbaycanın beynəlxalq
aləmdə faktiki olaraq tanınması uğrunda apardığı
mübarizə də daxildir. Filmdə həmçinin İstanbul,
Batum və Trabzon konfransları, eləcə də Paris
sülh konfransındakı hadisələr, bolşevik
Rusiyasının Azərbaycanı yenidən öz
təsirinə salmasına qarşı Azerbaycan hökumətinin
apardığı mübarizə əksini tapıb.
Ümumiyyətlə, filmdə Azərbaycanın istiqlal
mücadiləsinin keçdiyi bütün
mərhələlər xronoloji ardıcıllıqla
təsvir olunub.
Qeyd edək ki,
müəllif janrında çəkildiyi üçün
fılmin ssenari müəllifı Nazim Rza səsləndirir.
Filmin quruluşçu operatoru Nəriman Şıxəliyevdir.
Kaspi.- 2007.- 16 yanvar.- S. 8.