"Yalan" filminə baxış keçirilib

Şərurda kinofilminin yaradıcı heyətinin bir qrup üzvü bir araya gəlib

Şərur şəhərindəki "Bahar" kinoteatrında "Yalan" kinofilminin yaradıcı heyətinin bir qrup üzvü itə Şərur, Sədərək və Kəngərli rayonları mədəniyyət işçilərinin görüşü keçirilib.

APA-nın Naxçıvan bürosunun məlumatına görə, tədbiri giriş sözü ilə Naxçıvan Muxtar Respublikasının Mədəniyyət və Turizm Naziri Sarvan İbrahimov açaraq, kinonun inkişafı üçün ölkəmizdə yaradılan hərtərəfli şəraitdən, göstərilən diqqət və qayğıdan danışıb. Tədbirdə filmin quruluşçu rejissoru, əməkdar artist Ramiz Əzizbəyli, baş rolların ifaçılarından əməkdar artist Gülşad Baxşəliyeva, aktyorlardan Vidadi Həsənov və Günel Məmmədova çıxış edərək, filmin ideyası haqqında qısa məlumat verib, çəkiliş prosesi haqqında danışıb və göstərilən qonaqpərvərliyə görə minnətdarlıqlarını bildiriblər. Sonda filmə baxış keçirilib.

Şərq.- 2007.- 19 yanvar.- S. 14.