Cahangir Cahangirovun arxivi yaradılıb

Böyük Azərbaycan bəstəkarı, Xalq artisti Cahangir Cahangirovun da arxivi yaradılır. Mərhumun qızı Aidə xanım atasının sənədlərini Salman Mümtaz adına Ədəbiyyat və İncəsənət Arxivinə təqdim edib. Arxivin rəhbəri Maarif Teymurun sözlərinə görə, sənədlər sənətkarın xalq və bəstəkar mahnıları əsasında yaratdığı not əlyazmalarından ibarətdir. Qəbul olunan sənədlər arasında onun fotoşəkilləri, xatirələri, bir çox şəxslərlə yazışmaları var. M.Teymurun sözlərinə görə, fotoşəkillərdə Rəşid Behbudov, Üzeyir Hacıbəyov, Soltan Hacıbəyov, Süleyman Ələsgərovun və başqalarının rəsmləri yer alıb. Yazışmalar isə C.Cahangirovun Azərbaycan və rus bəstəkarları ilə apardığı müzakirələrdən ibarətdir.

Ayna.- 2007.- 20 yanvar.- S. 21.