"Yuğ" Teatrının əməkdaşı Norveçdəki beynəlxalq festivala qatılıb

Dövlət Yuğ Teatrının əməkdaşı Yaqut Paşazadə Norveçin Kirkines şəhərində keçirilən Barens dənizi ətrafındakı ölkələrin teatrlarının festivalında iştirak edir. Bunu APA-ya açıqlamasında teatrın baş rejissoru Vaqif İbrahimoğlu deyib. Onun sözlərinə görə, bu festivalda ölkəmiz artıq ikinci dəfə iştirak edir.

Hər il keçirilən festival Norveçin digər ölkələrlə geniş əlaqələrinin .gücləndirilməsi məqsədi daşıyır.

V.İbrahimoğlu bildirib ki, Azərbaycanı həmin festivalda təmsil edən Y.Paşazadə özü ilə Azərbaycanın milli atributlarını, geyim nümunələri, musiqilərdən ibarət toplular və Azərbaycanda bəhs edən kitablar aparıb:

"Bu festivalda ölkəmizin iştirakı olduqca önəmlidir. Ona görə də biz festivala milli atributlarımızı göndərmişik. Azərbaycan haqqında təsəvvür yaratmaq və onları məlumatlandırmaq üçün çalışırıq".

525-ci qəzet.- 2007.- 16 yanvar.- S. 7.