Azərbaycan nümayəndələri Ukraynada keçirilən festivalda uğurla çıxış ediblər


Dnepropetrovsk Milli Universitetinin "Tələbələr" zalında "Biz hamımız sənin övladlarınıq, Ukrayna!" adlı növbəti festival keçirilib. Vilayət administrasiyası tərəfindən təşkil olunan festivala milli-mədəni icmaların nümayəndələri qatılıb. Təntənəli açılış mərasimində milli azlıqların təmsilçilərini vilayətin mədəniyyət turizm idarəsinin rəisi Yekaterina Samarets salamlayıb. O, sözügedən vilayətdə millətlər arasında dostluq qardaşlıq ənənələrinin davam etdirildiyini, münasibətlərin ən yüksək səviyyədə qurulmasına çalışdıqlarını bildirib. Festivalda müxtəlif millətlərin nümayəndələrinin - azərbaycanlı, gürcü, yunan, yəhudi, alman rusların çıxış edəcəklərini deyən Y.Samarets bu sırada azərbaycanlıların hər zaman xüsusi fəallıq göstərdiklərini vurğulayıb. Məlum olub ki, əvvəllər festival dekabrın sonlarında, ilin tamamında keçirilsə , bu il Dnepropetrovsk vilayətinin 75 illiyilə əlaqədar olaraq, tədbir ilin əvvəlinə salınıb. Sonra səhnəyə festival iştirakçıları çıxaraq, növbəylə öz istedadlarını, mənsub olduqları xalqların mədəniyyət nümunələrini, incəsənət növlərini nümayiş etdiriblər. Azərbaycanı həmişəki kimi Qüdrət Hacıyevin rəhbərliyilə diaspor nümayəndələri yüksək səviyyədə təmsil ediblər. Gur alqışlar altında Sunay Əlizadə Əfsanə Mehdiyeva hərarətli mahnılar səsləndiriblər. Onları səhnədə tanınmış rəqs qrupu, vilayətin hüdudlarından kənarda da sevilən, çoxsaylı müsabiqələrin diplomantı olan "Yeddi gözəl" kollektivi əvəzləyib. Qrupun yaradıcısı bədii rəhbəri Leyla Ağamalıyevanın ifası zamanı zalda böyük coşqunluq yaranıb, tamaşaçılar onu alqışlarla müşayiət ediblər. Azərbaycanın tanınmış bəstəkarı Gövhər Həsənzadənin Leylanın ifasında səslənən "Nədir" mahnısı dinləyicilərdə yüksək əhval-ruhiyyə yaradıb. Festivaldakı hər bir çıxış xalqların qardaşlıq himni kimi səslənib, Ukraynada yaşayan müxtəlif millətlərin dostluq münasibətlərinin rəmzinə çevrilib.

 

525-ci qəzet.-2007.-26 yanvar.-S.7.