Səbinə

Misir Mədəniyyət Mərkəzində görüş

Misir Ərəb Respublikasının Bakıdakı Mədəniyyət Maarifində mətbuat konfrans keçirib. Konfransda mərkəzin direktoru mədəniyyət üzrə attaşe Bağdadi İmam Məhəmməd 2007-ci il üçün tədbirlər planı

haqqında məlumat verib. Qeyd olunub ki, yanvarın 22-28-də mərkəzdə

Misir filmləri həftəsi keçirilib. Bağdadi bütün azərbaycanlıları Misir filmlərini izləməyə dəvət edib. Mərkəzdə izləyicilər üçün bir çox ttərcüməçilər fəaliyyət göstərir. Yanvarın 31-də Azərbaycan və misirli qadın yazıçı və yazıçı və jurnalistlərin müasir durumuna həsr olunmuş görüş, fevralın 8-də isə əlil uşaqlarla görüş olacaq. Azərbaycan Qadın Cəmiyyətinin humanitar işlər üzrə direktor müavini Badam Kərimovanın iştirakı ilə baş tutacaq tədbirdə sual-cavab müsabiqəsi keçiriləcək və qaliblərə hədiyyələr təqdim olunacaq. Tədbirdə Misirin ölkəmizdəki səfiri və onun xanımı, eləcə də digər dövlətlərin səfir və xanımları da iştirak edəcəklər. Mərkəzin kitabxanası bütün azərbaycanlı tələbə və içilər üçün bazar günü istisna olumaqla hər gün saat 10-dan 17-yə qədər açıqdır. Kitabxanada nadir ensiklopedik kitablar, müxtəlif jurnallar və firon incəsənəti şəkilləri, qədim antik əşyalar və s. izləyicilərin diqqət mərkəzində olacaq.

Misirin ölkəmizdəki səfiri Yusif Əhməd İbrahim əl-Şarkavi mədəniyyət tədbirlərinin xalqlarımız arasında münasibətlərin möhkəmləndirilməsi baxımından boyük əhəmiyyət daşıdığını söyləyib. Bizə maraqlı olan cəhətlərdən biri də səfirin müsəlman ölkələri arasında dinlərin mədəniyyətdə rolu haqqında söylədiyi fikirlərlə bağlı idi: "Hər bir din bəşəriyyətin çiçəklənməsinə xidmət edir. Bundan başqa biz dinə insanlar arasında münasibətlərin tənzimlənməsi, insan düşüncəsinin təkanverici qayəsi kimi baxırıq. Misir mədəniyyətinə isə ilkin zamanlarda fironların, sonra yunan və Roma mədəniyyətlərinin güclü təsiri olub. Son nəticədə çiçəklənmiş bir Misir mədəniyyəti formalaşıb. Azərbaycanda təmsil etdiyimiz nümayəndəlik kimi bu məkanın insanlarına çox böyük önəm veririk. Burada dini mədəniyyət o qədər yüksəkdir ki, bu özünü insanlarla ünsiyyətdə də qabarıq şəkildə göstərir".

Paritet.- 2007.- 20-22 yanvar.- S. 11.