Mükərrəmoğlu M.

Rəssam Vaqif Ucatayın fərdi sərgisi açılmışdır

Rənglərin dili ilə danışmağı bacaran insanlardır rəssamlar. Bu yeganə sənətdir ki, heç bir ifaçı olmadan səninlə üz-üzə dayanır. Sən dünya işığından güc alan rənglərin möcüzəsi ilə qarşılaşırsan. Rəssamlardır yalnız dünyanı öz rəngində görən insanlar. Azərbaycanımızın belə möciizələr yaradan nadir istedadları çoxdur. Onların əsərləri evimizdə, işlədiyimiz müəssisədə, təhsil ocaqlarımızda divarlarımızı bəzəyir. Bəzən biz onların mahiyyətinə varmırıq. Ya bu əsərləri qiymətləndirməyi bacarmadığımıza görə. ya da sadəcə, laqeydliyimiz ucbatından.

Ölkəmizin sərgi salonlarına da ki təsadüfı halda ayaq basırıq. Əgər yolunuz düşsə bu günlərdə Vəcihə Səmədova adına sərgi salonuna gəlin və siz burada möcüzələrlə dolu bir aləmlə qarşılaşacaqsımz. Rəssam Vaqif, Ucatayın qəlb dünyasının sənətə çevrilmiş yaşantıları sizi qarşılayacaq.

Bu fərdi sərginin açılışında çıxış edən Rəssamlar İttifaqının sədri, Xalq rəssamı Fərhad Xəlilovun sözləri ilə desək, Vəcihə Səmədova adına sərgi salonuna son vaxtlar bu qədər tamaşaçı gəlməmişdi. Səbəb isə aydın idi. Tamaşaçılar bilirdilər ki, bu sərgidə böyük mətləblər danışan qiymətli sənət əsərləri ilə qarşılaşacaqlar.

Diqqəti ilk çəkən müəllifm “Avtoportret”i idi. Sonra ilin dörd fəslinin kətan üzərinə köçmüş təsvirini əks etdirən əsərlər sıralanıb. Hər fəslin öz rəngi, öz ovqatı var. Vaqif bu əsərləri yaradarkən elə məqamlar seçə bilmişdir ki, tamaşaçı onlari seyr edərkən, sanki, o fəsli yaşayır.

Mən Vaqifın hansı janrda daha yaxşı işlədiyini seçə bilmədim. Çünki mənzərələr də, portretlər də o qədər səlist və ahəngdar işlənmişdir ki, rəssamın istedadına heyran olursan.

Bir tamaşaçı ilə Vaqif müəllimin söhbətini dinlədim. Bu qadın minnətdarlıq hisslərini rəssama çatdırdı. "Qardaşım, sağ ol, mən bu anlar özümü çox xoşbəxt sanırdım. Bu əhvalı bizə bəxş etdiyinizə görə sizə təşəkkürümü bildirirəm".

Tamaşaçıların böyük bir qismi "Xocalı" rəsminin qarşısında toplaşmışdır. Sinəsinə xəncər taxılmış çılpaq, körpə uşaq qan içindədir və xəncərin dəstəyi Kreml qülləsinin rəsmidir. "Mənim gördüyüm “Əziz Şərif” rəsmi isə daha təbiidir. "Nizami işığında", "Abşeron gözəli", "Dədə Qorqud", "Zor gücsüzlüyü", "Tükənməzlik"və onlarla başqa əsərlər tamaşaçıları əsl mənada məftun etmişdi.

Vaqif Ucatayın fərdi sərgisi onun tamaşaçılar qarşısında ilk hesabatı idi. Deyir ki, buraya 100-dən çox əsər gətirmişəm. Amma onların bir qismi sərgidən kənarda qaldı. Xüsusilə satirik əsərlərimi tamaşaçılara təqdim edə bilmədim.

Beləcə, neçə gün burada sərgilənən əsərlər tamaşaçıların ixtiyarına veriləcək. Gəlin, baxın! Baxsanız, düşünməli olacaqsınız. Buradakı əsərlərdə həyatın əsl mahiyyəti, sabaha ümid notları toplanmışdır.

Kim bilir, bu əsərlər bundan sonra hansı böyük muzeylərin eksponatına çevriləcək.

Xalq qəzeti.- 2007.- 26 yanvar.- S. 6.