Rəssam
Vaqif Ucatayın fərdi yaradıcılıq sərgisi
təşkil edilib
Vəcihə Səmədova
adına Salonda rəssam Vaqif Ucatayın fərdi sərgisinin açılışı
olub. Sərgidə rəssamın rəngkarlıq
və qrafika janrında yaratdığı
80-ə yaxın əsəri nümayiş
etdirilib. Açılış
mərasimində çıxış
edən Rəssamlar İttifaqının sədri
Fərhad Xəlilov V.Ucatayın əsərlərinin
Azərbaycan rəssamlıq
sənətinin ən
gözəl nümunələri
sırasında yer aldığını vurğulayıb:
"Onun əsərlərinə
baxdıqca insan sanki yeni bir
aləmə düşür.
Həmin əsərlərdə
təsvir olunan mənzərələr insanın
gözləri qarşısında
əyani şəkildə
canlanır. Mən Vaqif Ucatayın yaradıcılığı ilə
çoxdan tanışam.
Onun əsərlərinin
mövzu rəngarəngliyi
hər zaman diqqətimi çəkib".
Rəssamlar İttifaqı
sədrinin informasiya və xarici işlər üzrə müşaviri Ənvər
Qarayev həmkarının
yaradıcılığından söz açıb: "Vaqif Ucatayın Nizami Gəncəvinin yubileyinə həsr etdiyi əsəri hər zaman diqqət mərkəzində
olub. Hazırda muzeydə saxlanılan bu əsəri rəssam hələ Sankt-Peterburqda təhsil alan zaman çəkmişdi.
Bugünkü sərgidə
də şəmin portretini görə bilərsiniz". Ə.Qarayevin dediklərindən
belə məlum olub ki, V.Ucatay
əsərlərini akademik
stilə uyğun işləyib və rəngkarlığın natürmort,
portret kimi janrlarında əsərlər
yaradıb. V.Ucatayın
tələbələri öz
çıxışlarında onu qayğıkeş və professional müəllim kimi xarakterizə ediblər. Sonda Vaqif Ucatayın
"Nizami Gəncəvi",
"Natürmort", "Tarix",
"Portret" adlı
əsərlərinin yer
aldığı sərginin
açılışı olub. Qeyd edək
ki, Vəcihə Səmədova adına Salonda baş tutacaq növbəti sərgidə İran sənətkarlarının əsərləri
nümayiş olunacaq.
Ə.Qarayevin sözlərinə görə,
iranlı kalliqrafların
sərgisi yanvarın
29-da gerçəkləşəcək.
525- ci qəzet.-2007.-24 yanvar.-S.7.