Banu

Xalça bazarında inkişaf ləng gedir

Xalçaların istehsalı və satışı arasında nəzərə çarpacaq fərq yaranıb

Azərbaycanda əllə toxunan xalça bazarının inkişafı ləng və qeyri dinamik xarakter daşıyır. Bu qeyri-dinamiklik ilk növbədə xalçaların istehsalı və satışı arasındakı nəzərəçarpacaq fərqdə özünü büruzə verir. Bu nəticə PROCON GfK International Resarch GROUP-un 2006-cı il iyunun 6-dan avqustun 26-dək əllə toxunan xalça bazarı ilə bağlı marketinq tədqiqatından sonra əldə edilib.

Tədqiqatın nəticələri əsasında belə qənaətə gəlmək mümkündür ki, bazardakı satış həcminə görə əsas üstünlük Şirvan, Quba və Qarabağ xalçalarına məxsusdur. Araşdırma nəticəsində üzə çıxan maraqlı məqamlardan biri də xalça istehsalı ilə satışına dair göstəricilər arasındakı fərqdir. Konkret olaraq, yerli xalça istehsalçıların arasında keçirilən sorğuya verilən cavablardan aydın olur ki, onlar tərəfındən son müddət ərzində 25 ədəd yun və 1 ədəd ipək Qarabağ xalçası istehsal edilmişdir. Halbuki həmin müddət ərzində satıcılar 299 yun, 4 ipək, 73 pambıq və 38 qarışıq materialdan olan Qarabağ xalçası satdıqlarını bildirmişlər(son bir ildə yerli istehsalçılarına pambıq nə də müxtəlif qarışıqlardan olan xalçalar istehsal etmişlər). Bu isə öz növbəsində xalça istehsalı və satışı arasında olan əhəmiyyətli uyğunsuzluqdan xəbər verir. Bunun da şöbələri bazarın dövriyyəsinin çox kiçik olması və istehsalçıların bazardakı tələbatını qısa bir zamanda ödəmək gücü ilə olmaması ilə bağlıdır.

Yerli xalça bazarının zəifliyini göstərən başqa bır əlamət isə satıcılarla aparılan sorğu zamanı əldə edilən xalça alışı zamanı alıcıların istəklərinə təsir göstərən amillərin təhlilindən irəli gəlir. Konkret olaraq, təhlil onu göstərir ki, alıcıların seçimlərinə daha çox keyfıyyətli inkişaf VQ innovativ texnologiyaların müdaxiləsinə yer qoymayan estetika ilə bağlı amillər (rəng, gözəllik və s.) təsir göstərir. Bu isə öz növbəsində, bu sahədə geniş ixtisaslaşmanın və məhsulun keyfiyyətinin artırılmasına yönəlmiş texnoloji nailiyyətlər əsasında inkişafın qarşısını alır.

Beləliklə, təhlillər göstərir ki,milli xalça bazarını inkişaf dinamikası qeyri-çevikliyi ilə səciyyələnir.

Ayna.- 2007.- 13 yanvar.- S. 20.