"Azərbaycan uşaqların gözü ilə"

Fransanın Bakıdakı səfirliyi və Fransa Mədəniyyət Mərkəzi yanvarın 26-dan fevralın 22-dək Fransa Mədəniyyət Mərkəzində "Doğma Qafqaz: Azərbaycan uşaqların gözü ilə" adlı fotosərgi təşkil edir.

Qeyd edək ki, gənc fransız fotoqrafları May-Loan Bassot və Tibo Fores "Addım-addım" fotoekspedisiyası çərçivəsində 2006-cı ilin fevralından 2007-ci ilin yanvar ayınadək Fransadan Mərkəzi Asiyaya kimi 20 min kilometrlik məsafəni təkərli mobil fotolaboratoriyanın içində qət ediblər. Onlar hər dayanacaqlarında qarşılarına çıxan məktəbli uşaqlar üçün iki-üç həftəlik fotoməşqlər təşkil ediblər. Layihənin məqsədi dünyanı uşaqların gözü ilə göstərməkdir. Fotoşəkilləri uşaqlar məhz özləri çəkirlər. "Doğma Qafqaz: Azərbaycan uşaqların gözü ilə" adlı fotosərgi bu macəranın bir hissəsidir və Qalaçıq, Kiş kəndlərində yaşayan uşaqların gündəlik həyatları da bu fotoşəkillərdə əks olunub.

Ayna.- 2007.- 26 yanvar.- S. 8.