QAT tarixi abidələrin «erməniləşdirilməsi» prosesinin qarşısını almağı tələb edir

Qarabag Azadlıq Təşkilatı Azarbaycanın tarixi abidələrinin «erməniləşdirilməsi»nin qarşısının alınması ila bağlı hakimiyyət strukturlarına və digər aidiyyatı ictimai-siyasi qurumlara bəyanat ünvanlayıb.

Bəyanatda bildirilir ki, ermənilər Möminə xatun türbəsi, Xudafərin körpüsü, Qoç heykəllərinin və digər tarixi-mədəniyyət abidələrinin ermənilər tərəfindən milliləşdirilməsi niyyətlərindən əl çəkmir və yaxın günlərdə ABŞ, Rusiya va Avropanın bir sıra ölkələrində bununla bağlı kütləvi təbliğat tədbirlərinin haəyata keçirilməsinə hazırlaşır: «İstənilən halda, ermənilərin atdığı addımların real təhlükəsi hakimiyyət strukturları, siyasi və ictimai qurumlar, diaspor təşkilatları tərəfindən düzgün qiymətləndirilməli, vaxtında qabaqlayıcı tədbirlər görülməlidir: Ermənilərin ABŞ, Avropa, Rusiya və digər ölkələrdə keçirdiyi tədbirlərə Azarbaycandan alimlər göndərilməli, erməni yalanları yerindəcə ifşa edilməlidir.

Bu, ermənilərin bütün cəhdlərinin qondarma oldugunu nümayiş etdirmək imkanı verəcək. Biz taktiki təşəbbüsü ələ alaraq Qarabag və Naxçıvanın tarixi və mədaniyyətilə bağlı bütün dünyada genişmiqyaslı tədbirlər keçirməliyik. Bu tədbirlər, eyni zamanda, Borçalı Dərbəndin tarixi və mənəviyyatına da aid edilməlidir. Biz erməni saxtakarlarını akt qarşısında qoymalı və hər hansı məsələdə yalnış təbliğat kampaniyası apararaq imkanlarını qabaqlamalıyıq».

Bəyanatın sonunda isə təşkilat bildirir ki, QAT hazırda bu istiqamətdə müəyyən işlər aparır və bunu daha da genişləndirmək üçün istənilən qurumla əməkdaşlığa hazırdır.

Bakı xəbər.- 2007.- 16 noyabr.- S. 10.