"Müasir Azərbaycan karikaturası"

Kitabda karikaturaçı rəssamların faəliyyəti və əsərləri barədə məlumat verilir

Mədəniyyət və Turizm Nazirliyinin, Azərbaycan və Dünya Karikaturaçılar Birliyinin və Dünya Karikaturaçılar Federasiyasının birgə təşəbbüsü ilə hazırlanan "Müasir Azərbaycan karikaturası" adlı kitab işıq üzü görüb. Bu barədə APA-ya Azərbaycan Karikaturaçılar Birliyinin sədri, rəssam Bayram Hacızadə məlumat verib.

Onun məlumatına görə, kitabda müasir dövrdə Azərbaycanda çalışmış karikaturaçı rəssamların faəliyyəti və əsərləri barədə qısa məlumatlar yer alıb. Azərbaycan və ingilis dillərində çap olunan kitabın nəşrində əsas məqsəd Azərbaycandakı karikaturaçı rəssamların fəaliyyətini xarici ölkələrdə təqdim etməkdir: "Baxmayaraq ki, Azərbaycan karikaturasının 100 illik tarixi var, ancaq xarici ölkələrdə rəssamların son illərdəki fəaliyyəti tanınmır. Bu kitabı hazırlamaq da bu səpkidə görülən işdir. Kitabı artıq bir sıra beynəlxalq təşkilatlara göndərmişik. Azərbaycanın müasir karikaturaçılarından bəhs edən kitab bir sıra dünya ölkələrində yayılacaq".

Birlik rəhbərinin sözlərinə görə, kitabın təqdimat mərasimi dekabrda keciriləcək.

Ekspress.- 2007.- 8 noyabr.- S. 13.