Zəminə

Zeynəb Xanlarova İstanbulda çı­xış edib

 

 Müğənninin daha bir konserti sabah Dənizli şəhərində keçiriləcək                                       

 "Ses Organization"ın rəhbəri Nahid Emiloğlunun təşəbbüsü ilə noyabrın 4-də İstanbulun Bostançı Gösteri Mərkəzinin böyük salonunda xalq artisti Zeynəb Xanlarovanın konserti keçirilib. Təşkilatçının qəzetimizə verdiyi məlumatına görə, "Palmali" şirkətlər qrupunun sponorluq etdiyi musiqili gecəyə minlərlə tamaşaçı gəlib. N.Emiloğlu əlavə etdi ki, müğənnini 10 nəfərdən ibarət musiqiçi heyəti müşayiət edib. Xatırladaq ki, sözügedən konsertin danışıqları ötən il aparılıb, lakin Zeynəb xanım qəti fikir söyləmədiyindən musiqili layihə bu günlərə qədər təxirə salınmışdı.
Səfərlərinin davam etdiyini diqqətə çatdıran Nahid Emiloğu xatırlatdı ki, iki gündən sonra Dənizli şəhərindəki eyni adlı kompleksdə Zeynəb Xanlarovanın daha bir konserti keçiriləcək. Təşkilatçının sözlərinə görə, hər iki konsertin biletləri artıq ötən aydan satılıb qurtarıb.                              

                                                                                                     

Ayna.- 2007.- 6 noyabr.- S. 8.