Bu günlər
teatrlarımız yeni mövsümə başlamış,
qapılarını geniş tamaşaçı
kütləsinin üzünə açmışdır. Bəs ötən mövsümü teatrlarımız hansı
əsərlər ilə başa vurmuş, qarşıda
onları hansı işlər gözləyir.
Əməkdaşımız bu məqsədlə
Respublikanın bir neçə aparıcı teatrında
olmuş, səhnə ocaqlarının
rəhbərlərindən müsahibələr
almışdır. Aşağıda həmin
müsahibələri oxucuların diqqətinə
çatdırırıq.
Azərbaycan Dövlət Milli Akademik Dram Teatrının
direktoru, əməkdar mədəniyyət işçisi
Maqbet Bünyatov:
- Artıq iki ildir ki,
mövsümü təntənəli şəkildə
açırıq. Yay məzuniyyətindən qayıdan
kollektivimiz tamaşaçılar ilə də, bir-biri ilə
də bayram əhval-ruhiyyəsi ilə görüşür.
Kollektiv sənət olan teatrının yaradıcı
heyəti arasında birliyin olması, bir-birinin uğuruna
sevinməsi vacib şərtlərdən biridir.
...Son vaxtlar uğurlarımızdan biri də teatrın
istirahət günündən — yəni həftənin birinci
günündən başqa hər gün
qapılarımızı tamaşaçıların
üzünə açmasıdır. Sizə məlumdur ki,
iki il əvvəl Milli Dram Teatrı hər gün tamaşa
göstərə bilmirdi. Biz tamaşaçı problemini
də aradan qaldırmışıq. Əlbəttə,
onların zövqünə cavab verən, bədii
cəhətdən mükəmməl səhnə
əsərləri ilə. İndi iki növbədə
məşqlər gedir. Bu da kollektivin yaradıcı
axtarışları üçün geniş imkanlar
açır.
Qarşıda teatrımızın binasını böyük
təmir işləri gözləyir. Ona görə bəzi
böyük tamaşaları konservatsiya etməli,
nisbətən “yüngül” tamaşalara önəm
verməliyik. Akustika, səs, işıq, ştangent,
aktyorların qrim otağı elə vəziyyətdədir ki,
mütləq fundamental təmirə ehtiyac var. Bu təmirə
qərar verənlərə
təşəkkürümüzü bildiririk
Ədəbiyyat qəzeti.- 2007.- 2 noyabr.- S. 6.