Alim

Azərbaycanın tarixi abidələri dağıdılır

Dünən Xarici İşlər Nazirliyində ənənəvi həftəlik mətbuat konfransı keçirilib. XİN-lə Heydər Əliyev Fondunun birgə çap etdirdiyi "Azərbaycana qarşı müharibə: mədəni irsin hədəfə alınması" kitabı barədə məlumat verən nazirliyin əməkdaşı Kəmalə İmranlının bildirdiyinə görə, kitab ingilis dilində çap edilib.

Azərbaycan dəfələrlə beynəlxalq təşkilatlara işğal olunmuş ərazilərdə mədəni-tarixi abidələrin ermənilər tərəfindən məhv edilməsi, Şuşanın mədəni simasının dəyişdirilməsi barədə müraciət ünvanlayıb. Avropa Şurasının Baş Katibi Terri Devis Ermənistan və Azərbaycana faktaraşdırıcı missiyanın göndərilməsi təşəbbüsü ilə çıxış edib. Həmin təşəbbüsün Azərbaycanın maraqlarına uyğun həyata keçirilməsini təmin etmək üçün XİN xüsusi albomun hazırlanması təşəbbüsünü irəli sürüb. Artıq işıq üzü görən albomda Qafqaz albanlarının dini memarlıq abidələri, bütün işğal olunmuş ərazilər, o cümlədən Ermənistandakı mədəni-tarixi abidələr və onların işğaidan sonrakı vəziyyəti barədə məlumatlar əks olunub. Alboma eyni zamanda sadalanan məlumatları əks etdirən sənədli film və albomun multimedia variantından ibarət kompakt disk daxil edilib. Məlumat kitabında mədəniyyət sərvətlərimizin siyahıları, xaritələri və onların işğaldan əwəlki və sonrakı vəziyyətlərini əks etdirən foto və kosmik şəkillər yerləşdirilib. Kitabda həmçinin Qazax rayonunun işğal altında olan 7 kəndi və Naxçıvanın Sədərək rayonunun Kərki kəndi barədə məlumatlar da yer alıb: "Hər hansı ərazidə hansı xalqın və dinin nümayəndələrinin yaşamasını ilkin olaraq tarixi və mədəni abidələr xəbər verir. Ermənilərin dövlət səviyyəsində məqsədyönlü şəkildə Azərbaycan xalqına məxsus tarixi və mədəni abidələri dağıtmalarının səbəbi hamıya məlumdur. Bu səbəblərin ən başlıcası azərbaycanlıların bu ərazilərdə əsrlərlə mövcudluğundan xəbər verən hər bir izi itirməkdir. Hətta ermənilər məkrli niyyətlərinə nail olmaq üçün Azərbaycan mənşəli toponimləri də siliblər". XİN mətbuat xidmətinin rəhbəri Xəzər İbrahim isə bildirdi ki, ABŞ Konqresində Azərbaycanla bağlı fəaliyyət göstərən işçi qrupuna daha 2 konqresmen qoşulub. Bununla işçi qrupunun üzvlərinin sayı 22-yə çatıb. Onlardan biri Ohaya ştatından olan respublikaçı, digəri isə demokratları təmsil edir. Azərbaycanın bu ölkədəki səfirliyi işçi qrupunun üzvlərinin sayının artırılması istiqamətində iş aparırlar. X.İbrahimin bildirdiyinə görə, oktyabrın 9-10-da İspaniyanın Kordova şəhərində ATƏT-in "Müsəlmanlara qarşı dözümlülük və ayrıseçkilik" mövzusunda beynəlxalq konfrans keçiriləcək. Konfransda İspaniya kralı, ATƏT-in fəaliyyətdə olan sədri və ATƏT-in Baş Katibi iştirak edəcək.

Olaylar.- 2007.- 9 oktyabr.- S. 8.