Kaliforniya qubernatoruna Azərbaycan rəssamının kitabı hədiyyə edilib

Kaliforniya ştatının qubernatoru Arnold Şvartsenegerin adından ştatda fəaliyyət göstərən 100-ə yaxın ölkənin baş konsulluqları üçün ziyafət qəbul təşkil edilmisdir.

Qəbulda çıxış edən qubernator ştatda həyata keçirilən səhiyyə islahatları, yeni prioritet kimi ştatın xarici ticarət siyasəti, burada yaşayan müxtəlif millətlərin nümayəndələri üçün yaradılmış şərait və imkanlar barədə məlumat vermişdir.

Azərbaycanı tədbirdə vitse-konsul Elman Abdullayev və Baş konsulluğun əməkdaşı Lalə Əbdürəhimova təmsil etmişlər. Onlar qubernatora xalq rəssamı Hüseyn Əliyevin kitabını hədiyyə etmişlər.

Səs.- 2007.- 20 oktyabr.- S. 12.