AzərTAcın fotomüxbirinin işi dünya informasiya agentliklərinin fotomüsabiqəsinin qalibi olmuşdur

İspaniyanın Estepona şəhərində dünya informasiya agentliklərinin ikinci qurultayı çərçivəsində informasiya agentliklərinin “Bayram”, “İdman” və “Fəlakət” nominasiyalarında fotomüsabiqəsinin final mərhələsi keçirilmişdir.

Azərbaycan Dövlət Teleqraf Agentliyinin (AzərTAc) əməkdaşı Osman Kərimovun fotosu dünyanın 90 ölkəsinin aparıcı informasiya agentliklərinin fotomüxbirlərinin mübarizə apardığı müsabiqənin “Bayram” nominasiyasında münsiflər heyətinin yekdil qərarı ilə birinci mükafata layiq görülmüşdür.

Bundan əlavə, AzərTAc-ın foto ustalarının digər işləri də qurultay iştirakçıları tərəfindən böyük maraqla qarşılanmış, həmin şəkillər ən yaxşı işlərdən ibarət kitaba salınmışdır.

Xalq qəzeti.- 2007.- 30 oktyabr.- S. 5.