Şamaxı abidələri və Qalakənddən məktublar
"Azərbaycantelefilm"
Yaradıcılıq Birliyində
"Şamaxı abidələri"
adlı sənədli
filmin istehsalı başa çatdırılıb.
Filmin ssenari müəllifi Zərnişan
Azayeva, reyissoru Elşən Zeynallıdır.
Birliyin rəhbəri Vüqar Tapdıqlının
sözlərinə görə,
cari ilin planına əsasən, artıq 20 filmin istehsalı başa çatıb. Yaradıcılıq
Birliyində bununla yanaşı, "Qalakənddən
məktublar" adlı
sənədli filmin çəkilişi də
bitib. Filmdə XlX əsrin sonu, XX əsrin əvvəllərində Simens
qardaşlarının Gədəbəydə
təsis etdiyi şirkətdə çalışan
kimyaçı mütəxəssisdən
söhbət açılır.
Həmin mütəxəssis
Gədəbəydəki abidələri
araşdıraraq buradakı
eksponatları Almaniya muzeylərinə göndərməklə
yanaşı, çoxlu
məktublar da yazıb. Həmin məktublar əsasında
"Qalakənddən məktublar"
adlı kitab nəşr olunub. V.Tapdıqlı onu da bildirib ki,
birlik bu il "Qubada yəhudilərin soyqırımı",
"Zəlimxan Yaqub",
"Abbas Səhhət",
"Rübabə Muradova",
"Aşıq Pənah"
və s. filmlərin istehsalını
tamamilə başa çatdırıb.
Kaspi.- 2007.-2 oktyabr.- S.17.