Ələddinqızı N.

Klassik musiqiyə diqqət yüksək səviyyədədir

Prezidentin imzaladığı sərəncam pedaqoji kollektivin sevincinə səbəb olub

Ölkə Prezidenti İlham Əliyev cənabları bu günlərdə təhsil sahəsində olan bir qrup şəxsə fəxri adlar təqdim etmişdir. Təhsilinin inkişafında rolu olan pedaqoqların yüksək adlara layiq görülməsi müasir cəmiyyətimizdə Azərbaycan elminin inkişafına yönəldilmişdir.

Məlum sərəncamla əlaqədar olaraq, Milli Konservatoriyanın nəzdində fəaliyyət göstərən Musiqi Kollecinin direktoru Nazim Kazımovla əlaqə yaratdıq. O, qeyd etdi ki, sərəncam əsasında musiqi sahəsində çalışan pedaqoqlardan altı şəxsə də fəxri adlar təqdim edilmişdir: "İki pedaqoq respublikanın xalq artisti, ikisi əməkdar incəsənət xadimi, biri əməkdar artist, bir isə əməkdar müəllim adına layiq görülmüşdür. Bizim bütün pedaqoji kollektiv prezidentin sərəncamını yüksək qiymətləndirir, onun Azərbaycan musiqi sənəti tarixində rolu olan şəxslərin belə bir ali mükafatlarla təltif olunmasını, sənətimizə göstərilən diqqəti məhəbbət hissi ilə qarşılayırlar. İlham Əliyev cənabları mütəmadi olaraq sənət xadimlərinə diqqət ayırıb və onları fəxri adlara, rnükafatlara layiq görür. Elə bu yaxınlarda 18 sentyabr Milli Musiqi Günü ilə bağlı Prezidentin imzaladığı sərəncama əsasən, fəxri adlar musiqiçilərə təqdim olundu. Klassik musiqiyə, muğamlara diqqət yüksək səviyyədədir. Heydər Əliyev Fondunun Prezidenti Azərbaycan Mədəniyyətinin Dostları Fondunun sədri, YUNESKO-nun xoşməramlı səfiri Mehriban Xanım Əliyevanın təşəbbüsü ilə bildiyiniz kimi muğam müsabiqəsi start götürmüşdür. Respublika səviyyəsində keçirilən müsabiqənin qalibləri münsiflər heyətinin qərarı ilə müəyyənləşdiriləcək."

Səs.- 2007.- 5 oktyabr.- S. 12.