Yaddan çıxmaz Qarabağ mədəni-siyasi aksiyası davam edir

 

Xəbər verdiyimiz kimi, oktyabrın 24-dən Mədəniyyət və Turizm Nazirliyi ölkədə Yaddan çıxmaz Qarabağ mədəni-siyasi aksiyası keçirir. Bu tədbir çərçivəsində keçirilən İncəsənət həftəsi artıq ölkəmizin bir sıra mədəniyyət ocaqlarında yüksək səviyyədə təşkil olunmuşdur.
Dünən Azərbaycan Dövlət Dram Teatrında, Gəncə Dövlət Dram Teatrında və Bakı Uşaq Teatrında xüsusi tamaşalar göstərilmişdir. Hüseynbala Mirələmovun Xəcalət tamaşası Azərbaycan Dövlət Milli Dram Teatrında nümayiş etdirilmişdir. Tamaşadan qabaq aksiyanın iştirakçıları çıxış edərək, onun mahiyyətini bir daha xatırlatmışlar. Gəncə Dövlət Dram Teatrında N. Cəfərovun Buna da şükür tamaşası təqdim olunmuşdur. Bu tamaşa da vətənpərvərlik mövzusundadır və aksiya iştirakçıları böyük məmnunluqla bu səhnə əsərinə tamaşa etmişlər.
A. Soltanın Şapalaqsız gün tamaşası isə Bakı Uşaq Teatrında göstərilmişdir.
Bu gün tədbirlər davam etdiriləcək.

 

Xalq qezeti.-2007.-27 oktyabr.- S.6.