Ülvi A.

XII Uşaq Muğam Festivalı

Son zamanlar ölkəmizdə qədim irsimizin öyrənilməsi və təbliği ilə bağlı yüksək səviyyədə işlərin aparılmasına diqqət güclənmişdir. Azərbaycan Mədəniyyətinin Dostları Fondunun təşəbbüsü ilə görkəmli muğam ustalarımızın antologiyasının işıq üzü görməsi, ölkə Prezidenti cənab İlhanı Əliyevin respublikada Muğam Mərkəzinin yaradılması haqqında sərəncanıı deməyə əsas verir ki, bu işlərin regionlarda da aparılması üçün yerli təşkilatların diqqətinə ehtiyac vardır.

"Kainat" Gənclik Mərkəzinin direktoru, XII uşaq muğam festivalının təşkilat komitəsinin sədri Rahib Rəsulzadədən aldığımız məlumata görə,ötən illərdə olduğu kimi, "Kainat" gənclik Mərkəzi bölgələr üzrə yaradıcı qrupla birgə gənc istedadların seçiminə 2007-ci ilin may ayından zonalar üzrə (Salyan, Neftçala, Əli Bayramlı, Hacıqabul, Şamaxı, İsmayıllı, Sumqayıt, Bakı) start verib. Respublika Gənclər və İdman Nazirliyinin dəstəyi ilə təşkilat komitəsi fəaliyyətə başlayıb. İlk seçmə turun keçirilməsi Salyan və Neftçala şəhərlərində baş tutdu - 2007-ci il 31 may tarixində. XII uşaq muğam festivalının növbəti seçmə turu iyun ayında Hacıqabul və Əli Bayramlı şəhərlərində davam etdirilib. Növbəti mərhələ Şamaxı-İsmayıllı zonasında baş tutdu (12 iyulda). Son seçmə tur isə Bakı və Bakıətrafı zonaları, bir də Abşeron və Sumqayıtı əhatə edirdi (30 sentyabrda həyata keçirildi.) Bundan başqa, bütün seçmə turlar (final mərhələsi daxil olmaqla) İctimai Televiziya və Radio Yayımları Şirkətinin təşkilat komitəsinə daxil edilmiş yaradıcı qrup tərəfındən ətraflı surətdə işıqlandırıldı. Hal-hazırda final mərhələsinin keçirilməsinə start verilib. Artıq 15 gənc istedad B. Salahov adına Xalq çalğı alətləri ansamblının müşayiəti ilə məşqlərə başlayıb. Yekun konserti və qaliblərin mükafatlandırılması mərasimi 2007-ci il oktyabr ayının 13-də saat 15.00-da R.Behbudov adına Dövlət Mahnı Teatrında təşkil olunacaq.

Xalq qəzeti.- 2007.- 6 oktyabr.- S. 5.