İrəvan Dövlət Dram Teatrının 125 illiyi qeyd edilib

Azərbaycan Dövlət Musiqili Komediya Teatrında Cəfər Cabbarlı adına İrəvan Dövlət Azərbaycan Dram Teatrının 125 illik yubileyi qeyd olunub.

Nazirliklərin, elm və mədəniyyət təşkilatlarının, səfırliklərin nümayəndələri, Azərbaycanda Tacikistan mədəniyyət günlərinin iştirakçıları yubiley tədbirində olublar.

Mədəniyyət və Turizm naziri Əbülfəs Qarayev 125 ü əvvəl qədim Azərbaycan torpağı olan İrəvan Xanlığının paytaxtında təşəkkül tapmış bu sənət ocağının milli mədəniyyət tariximizdə müstəsna rolunu qeyd edib. Nazir bildirib ki, 18 ildir bu sənət ocağı məcburi qaçqın həyatı nəticəsində Bakıda məskunlaşsa da, fədakarlıq nümayiş etdirir, yeni-yeni səhnə əsərləri ilə tamaşaçıları sevindirir, teatr sənətini yorulmadan təbliğ edir.

Ə.Qarayev Azərbaycan Prezidentinin 2007-ci il 16 oktyabr tarixli Sərəncamı ilə teatrın bir qrup aktyorlarına fəxri adların verildiyini diqqətə çatdırıb və onlan təbrik edib, yaxın vaxtlarda teatrın bina probleminin də həll olunacağını bildirib.

Tədbirdə çıxış edən Teatr Xadimləri İttifaqının sədri Azər Paşa Nemətov İrəvan Dövlət Azərbaycan Dram Teatrının 125 illik yubileyini milli mədəniyyətimizin şanlı tarixinə düşən uğurlu bir səhifə adlandırıb. O, yubiley münasibətilə əlaqədar olaraq, kollektivin 5 üzvünü Teatr Xadimləri İttifaqının təsis etdiyi xüsusi diplomla və iki nəfəri "Qızıl medal"la mükafatlandırılıb.

Azad Azərbaycan.- 2007.- 19 oktyabr.- S. 8.