Azərbaycan
Respublikasının Prezidenti İlham Əliyev oktyabrın
18-də Prezident Sarayında Tacikistanın mədəniyyət
naziri Mirzoşoxrux Asrorovun rəhbərlik etdiyi
nümayəndə heyətini qəbul etmişdir.
Dövlətimizin başçısı bu yaxınlarda Tacikistana səfərini
məmnunluqla xatırlatdı. Azərbaycan və Tacikistan prezidentlərinin
qarşılıqlı səfərlər zamanı
mədəniyyət günlərinin keçirilməsi
barədə razılığa gəldiklərini deyən
Prezident İlham Əliyev ölkəmizdə Tacikistanın
mədəniyyət günlərinin
başlanmasının iki ölkə arasında
əlaqələrin daha da inkişaf etdirilməsi
baxımından böyük əhəmiyyət kəsb
etdiyini bildirdi.
Mirzoşoxrux Asrorov ölkəmizə səfəri
çərçivəsində iki ölkə
rəhbərinin irəli sürdükləri
təşəbbüslərin və əldə etdikləri
razılıqların həyata keçirilməsi
barədə Azərbaycanın mədəniyyət və
turizm naziri ilə müzakirələr
apardığını bildirdi. O, Azərbaycanda Tacikistanın
mədəniyyət günlərinin təşkilinin
ölkələrimiz arasında əməkdaşlığın
daha da genişləndirilməsinə xidmət etdiyini
vurğuladı.
Azərbaycan.- 2007.- 19 oktyabr.- S. 2.