Məhərəmova T.
O
yanı Qərb, bu yanı Şərq
Və yaxud nostalyi hissləri oyadan bayram
Srağagün yenicə təmirdən
çıxıb istifadəyə
verilən Yaşıl
Teatrda IX Şərq-Qərb
Bakı Beynəlxalq Kinofestivalı xeyli təmtəraqla açıq
elan edildi. Bayramın əlvan rənglərini, parlaq çalarlarını
heç şübhəsiz
TV kanalları həftə
boyu göstərəcək.
Bu sayaq şou
ovqatı həmkarlarımıza
daha çox gərəkdir. Ancaq çox
güman ki, bizim yazdıqlarımızı
ekranlardan heç sezməyəcəksiniz.
Əvvəla xatırladaq
ki, IX Şərq-Qərb
(Est-West) Bakı Beynəlxalq Kinofestivalı
Azərbaycan Kinematoqrafçılar
İttifaqı və Azərbaycanda Dünya Kinosunun 100 illiyi Fondu tərəfindən və MDB və Baltikyanı ölkələri
Kinematoqrafçılar İttifaqları
Konfederasiyasının dəstəyi
ilə 1996-cı ildə
yaradılıb. Əvvəllər festival ölkəmizin paytaxtında
Festivallar Festivalı-"Filmfest"
adı altında keçirilib. Ancaq bu gün çağdaş
dünya qlobal, iqtisadi, siyasi, mədəni inteqrasiyanın
dramatik dövrünü
yaşadığı kimi,
kinoekranın ağ kətanında
da bir-birinə zidd qüvvə və təmayüllər
toqquşduğundan, bu
fəaliyyət konsepsiyasına
uyğun olaraq, Bakı Beynəlxalq Kinofestivalı 1999-cu ildən
"Şərq-Qərb" adlandırıldı. İldən-ilə festival coğrafiyasını genişləndirib.
Əgər birinci forumda
5-6 ölkə iştirak
edirdisə, sonrakı
illərdə tədricən
bu rəqəm
20-yə çatıb. Azərbaycan, Rusiya, Fransa, Almaniya, ABŞ, Türkiyə, Gürcüstan,
Qazaxıstan, Litva, İsrail, İran və digər beynəlxalq festivallar və kinofondların rəhbərləri (ABŞ, Berlin, Nant, Rotterdam kinofestivallarının,
Rusiyanın "Kinotavr"
və başqaları)
Azərbaycan paytaxtına
gələrək "Şərq-Qərb"in
nə olduğunu görmək istəyib. Arik Kaplun, Cəfər
Pənahi, Eldar Şengelaya, Filipp Yeledü, Georgi Daneliya, Nikita Mixalkov, Marius
Balçunas, Marten Rişar,
Pavel Çuxray, Reyis Varnye, Rəfiq
Puyyə, Sergey Solovyov,
Stanislav Qovoruxin, Tolomuş Oveyev, Yevlin Kaplun kimi
görkəmli reyissorlar
ölkəmizə gəlib.
Bakının qonaqları
dünya kinosunun yüzlərlə personayı
- Aleksandr Abdulov, Kote Maxaradze, Lyudmila Çursina, Mayya Aymedova, Pyer Rişar, Sofiko Çiaureli kimi ekran ulduzları
oldu. İndiyədək keçirilən festivalların proqramında
və Dəyirmi masalarda 100-dən artıq
film göstərilib. Ötən əsrdə
yaradılmış rus,
Azərbaycan və gürcü filmlərindən
ibarət "Milli kinematoqrafiyaların başlanğıcına
2000-ci ildən baxış"
adlı maraqlı retrospektiv böyük rezonans doğurmuşdu.
Forumlardan biri isə Azərbaycan kinosunun 100 illiyinə həsr edilmişdi.
IX Şərq-Qərb
festivalının coğrafiyası
ötən illərə
nisbətən daha da genişləndiyindən,
həmçinin dəvətlilərin
sayı da çoxaldığından mərasimi
Yaşıl Teatrda keçirmək qərara alınıb. Xatırladaq ki, builki festival Azərbaycan hökumətinin,
Azərbaycan Mədəniyyətinin
Dostları Fondunun, Azərbaycan Mədəniyyət
və Turizm Nazirliyinin və Azərbaycan Beynəlxalq Bankının dəstəyi
ilə keçirilir
Kaspi.-2007.-7 sentyabr.-S.16.