Zümrüd

 

IX Şərq-Qərb beynəlxalq kino festivalına start verildi

 

Dünən "Yaşıl teatr"da "Şərq-Qərb" festivalının açılış mərasimi keçirildi. Festivalın açılışı Azərbaycan kinematoqrafçılarının "Məhkumlar" filmi ilə başlandı. Kinorejissor Mehriban Ələkbərzadənin yazıçı Çingiz Abdullayevin ssenarisi əsasında quruluş verdiyi bu filmdə çox ağrılı məhəbbət hadisəsi əks olunur. Cüzamlı xəstələrin müalicə olunduğu xəstəxanada işləməyə gələn həkim buradakı bir xəstə qıza vurulur. Onun hisslərini faciəvi sınaq gözləyir. Əslində bu xəstələrlə ailə qurmaq qadağandır...Baş rollarda Sevinc Əlişova, Ramin Hacıyev, Mehriban Ələkbərzadə, Mehriban Xanlarova, Nurəddin Quliyev Tariyel Qasımov çəkilmişlər.
   Festivalın davamı olaraq, sentyabrın 6-da gürcü filmlərinin retrospektivi keçiriləcək. "İbrus" teatrında keçiriləcək bu retrospektivə Eldar Şengelayanın çəkdiyi "Qeyri-adi sərgi", Georgi Şengelayanın quruluş verdiyi "...
qatar gedirdi", Georgi Xandravanın "Xəyallar məzarlığı" filmləri daxil edilmişdir.
   Festivalın sonrakı günlərində Türkiyənin, Rusiyanın, Fransanın filmlərinə baxmaq mümkün olacaq.
   Azərbaycan kinematoqrafçıları festivala daha bir film - "Üç qız"ı təqdim edəcək. Bu filmin istehsalında Almaniya Rusiya kinematoqrafçıları da iştirak etmişlər. Kinorejissor Murad İbrahimbəyovun Ravel Finnin iştirakı ilə yazdığı ssenari əsasında quruluş verdiyi bu filmin süjeti İkinci Dünya müharibəsi illərində Afrikada başlanmış bizim dövrümüzdə Bakıda tamamlanan bir təsviri sənət əsərinin yaranması ilə bağlıdır. Müxtəlif talelərin bağlı olduğu bu əsər, əslində, müəlliflər üçün istinad mənbəyidir.
   "Üç qız" filmində baş rolları Təranə Ocaqverdiyeva, Arzu Qədirbəyova, Aleksandr Fider ifa edirlər.
   Azərbaycan kinosunun festivala daha bir filmi təqdim olunub. "Cavid ömrü" adlı bu kinolent böyük şairimiz, mütəfəkkir Hüseyn Cavid haqqındadır. İkiseriyalı filmin müəllifləri əfsanəvi yazıçının tərcümeyi-halından seçilmiş, gənclik, yaradıcılıq yetkinliyi, dostlar, düşmənlər, sevgi, xəyanət, DTK divarları arasında işgəncələr nəhayət, ölümün əks olunduğu epizodlar XX əsr Azərbaycan mədəniyyətindəki həqiqi miqyası yüksək səviyyəsini müəyyən edən mərhələləri dramaturji düyünə bağlayırlar. Filmə rejissor Ramiz Həsənoğlu quruluş vermişdir. Cavid rolunda xalq artisti Rasim Balayev çəkilmişdir.
   Festivala Türkmənistan rejissoru Xocaqulu Narlıyevin xüsusi proqramı da daxil olunmuşdur. Bu proqramda rejissorun "Manqurt" filmi nümayiş etdiriləcək. 1990-cı ildə çəkilmiş filmdə baş rolu Maya Aymedova oynayır. Çingiz Aytmatovun "Əsrə bərabər gün" romanından manqurtlar haqqında əfsanə - qədim zamanlardan əsrlərin yaddaşsızlaşdırılaraq manqurtlara çevrilməsindən bəhs edən bu filmin istehsalında Türkiyə Liviya kinematoqrafçıları da iştirak etmişlər.
   Festivalın sonuncu günü mükafatların təqdimetmə mərasimi keçiriləcək.
   

Səs.-2007.- 6 sentyabr.-S.12.