Sarıyeva İ.

 

Səsin zirvədən gəlsin, Cavidan!

 

Balaca xanəndə ilk albomunu buraxmağı planlaşdırır

 

Hər yoldan ötənin gözəl səsi olmur. Amma elə insanlar var ki, Tanrı onları səxavətlə mükafatlandırır  onlara gözəl səs verir. Sevindiricidir ki, son illər Azərbaycanda unikal səsə, gözəl ifa tərzinə malik uşaqların sayı artıb. Bu uşaqların bir çoxu sonradan xalq musiqi sənətimizin görkəmli simalarının - Cabbar Qaryağdıoğlunun, Keçəçioğlu Məhəmmədin, Xan Şuşinskinin, Seyid Şuşinskinin irsinin davamçısına çevrilir. Onlardan biri də 12 yaşlı Cavidan Qəhrəmanlıdır.

Qeyd edək kt, Cavidan Cavanşir oğlu Qəhrəmanlı 1994-cü ildə Bakıda doğulub, 7 yaşından «Bayatı-Şiraz» oxuyur və bu muğamla da R.Babayev adına 25 saylı musiqi məktəbinə daxil olub. Lakin yaşı xanəndəlik sinfınə düşmədiyinə görə, iki il tar sinfində oxuduqdan sonra, nəhayət ki, 9 yaşında muğam sinfinə keçib. Balaca xanəndə bir neçə musiqi festivalında iştirak edib, diplom və fəxri fərmanla təltif olunub. 2006-cı ildə isə «Kainat» Gənclik Mərkəzinin keçirdiyi XI uşaq muğam müsabiqəsinin «Qran-Pri» mükafatına layiq görülüb. Hazırda Muğam Teatrının nəzdində yaradılmış «Fərhad» Muğam Studiyasında və R.Babayev adına 25 saylı musiqi məktəbində təhsil alır.

Məlumatımıza görə, 12 yaşı olmasına baxmayaraq, Cavidan artıq muğam, təsnif və xalq mahnılarından ibarət ilk albomunu buraxmaq kasset zavodu ilə danışıqlar aparıldığını deyən K.Musazadə, diskin yaxın vaxtlarda işıq üzü görəcəyini planlaşdırır: «Bir şey çox maraqlıdır ki, bu gün sözünü deniş müğənnilərin çoxu Cavidanın oxuduğu zərb muğamlarını oxuya bilmir. Bəfkə də bu fikrindədir. Tanınmış pedaqoq-xanəndə Qəzənfər Abbasovun tələbəsi olan Cavidanın albomunun prodüsseri Kəmalə Musazadənin bildirdiyinə görə, «Cənnətim Qarabağ» (mus. Cahangir Cahangirovun, söz. Rəfiq Zəkanındır) adlanan albom Bakı Kasset Zavodunda buraxılacaq. Maliyyə tapsam, bu mahnıya klip film çəkmək niyyətindəyəm».

K.Musazadə bildirdi ki, o, Cabbar Qaryağdıoğiu haqqında «Adsız məzar» adlı film çəkərkən, Cavidanı Cabbar əminin uşaq vaxtı ətrafında olan uşaqlardan birinin roluna çəkib və burada ilk dəfə onun səsinə heyran olub.

Əslən Tərtər rayonunun Hüsənli kəndindən olan Cavidanın özü isə gələcək albomu haqqında, bir uşaq kimi, bunları deyir: «Bu alboma «Cənnətim Qarabağ» adı verilib. Çünki Bakıda doğulsam da, əslim Qarabağdan Tərtər rayonun Hüsənli kəndindəndir. Bizim kəndimiz işğal olunmayıb. Mən hər yay öz kəndimizə gedirəm. Qarabağ torpağının suyundan içib, havasından uduram. Arzum budur ki, tezliklə torpaqlamız işğaldan azad olunsun mən kəndimizdən o tərəfə Ağdama, Şuşaya, Xankəndinə gedə bilim».

«Mənsuriyyə», «Qarabağ şikəstəsi», «Şahnaz», «Heyratı», «Arazbarı» kimı muğamla, «Yar bizə qonaq gələcək», «Meyvələrdən üç meyvə var», «Bulud zülflü», «Tar-kamanım gəl» «Cənnətim Qarabağ» kimi xalq mahnılarının təsniflərin yer aldığı albomun tezliklə işıq üzü görəcəyinə inanırıq.

Cavidana isə uğurlar diləyirik! Qoy səsi daha uca zirvələrdən böyük-böyük səhnələrdən gəlsin...

 

Bakı xəbər.- 2007.- 18 sentyabr.- S. 16.