Musiqi gününün iştirakçıları Fəxri xiyabanda olmuşlar

Sentyabrın 18- də böyük bəstəkarımız Üzeyir Hacıbəyovun anadan olmasının 122-ci ildönümü və Üzeyir Musiqi Günü ilə əlaqədar respublikamızın tanınmış mədəniyyət və incəsənət xadimləri Fəxri xiyabanda olmuşlar. Onlar əvvəlcə ölkəmizdə musiqinin və mədəniyyətin inkişafına, bu sahədə çalışan insanların sosial problemlərinin həllinə yaxından diqqət və qayğı göstərmiş ulu öndərimiz Heydər Əliyevin xatirəsini ehtiramla anmış, məzarı önünə tər çiçək dəstələri qoymuşlar.
Görkəmli oftalmoloq alim, akademik Zərifə Əliyevanın məzarı üstünə də çiçək dəstələri düzülmüşdür.
Sonra iştirakçılar Azərbaycan klassik musiqisinin banisi Üzeyir Hacıbəyovun məzarını ziyarət etmiş, qəbri üstünə gül-çiçək düzmüşlər. Dövlət xor kapellasının ifasında "Şəbi-hicran" əsəri səslənmişdir.
Bəstəkar Müslüm Maqomayevin də qəbri ziyarət edilmiş, məzarı üstünə tər çiçəklər qoyulmuşdur.

Azərbaycan.-2007.-19 sentyabr.-S.4.