"Üzeyir bəy Hacıbəyov və "Molla Nəsrəddin"

"Adiloğlu" nəşriyyatında yenica çapdan çıxmış "Üzeyir bəy Hacıbəyov və "Molla Nəsrəddin" kitabında toplanmış materiallar dahi bəstəkar, görkəmli yazıçı-publisist, jurnalist, alim və ictimai xadim, nəcib şəxsiyyət Üzeyir bəy Hacıbəyovun mollanəsrəddinçilərin məslək, əqidə dostluğundan bəhs edir.

Əməkdar jurnalist Tahir Aydınoğlu və Üzeyirbəyşünas Səadət Qarabağlının birgə tərtib etdikləri kitab birincinin "Zamanın sorğusuna cavab" adlı yığcam, lakin mənalı ön sözü ilə açılır.

Professor Şirməmməd Hüseynovun, Filologiya elmləri namizədi Mirabbas Aslanov va tərtibçilərin maqalələrində yalnız bu məsələ sual kimi qoyulur va tutarlı fakt, dəlillərlə "Üzeyir bəy Hacıbəyova qatiyyətlə mollanəsrəddinçi demək olar!" cavabı verilir.

Bunun daha bir əyani sübutu kimi Ü.Hacıbəyovun mətbuatımızın bu bənzərsiz və əvəzsiz dərgisinin səhifələrində dərc olunmuş felyetonları toplanıb təqdim olunur.

Üzeyir bəyin 122 illik yubileyi günlərində oxuculara çatdırılan, iki böyük mollanəsrəddinçi ədibin – Cəlil Məmmədquluzadə və Üzeyir bəyin xatirəsinə həsr edilən bu kitab Üzeyirbayşünaslığa dəyərli töhfədir.

Kitabın redaktoru Söz Azadlığını Müdafiə Fondunun (SAMF) icraçı direktoru, tanınmış jurnalist Məmməd Nazimoğludur.

Kitab Azərbaycanda Vətəndaş Cəmiyyətinin İnkişafına Yardım Assosiasiyası və SAMF tərəfindən nəşr edilib.

Azad Azərbaycan.- 2007.- 21 sentyabr.- S. 8.