Azərbaycanın
Rumıniyadakı səfirliyindən AzərTAc-a
bildirmişlər ki, sentyabrın 3-də bu ölkənin
Mədəniyyət Nazirliyi, Türkiyənin Xalq
Mədəniyyəti Araşdırmaları Qurumu və
Rumıniya Demokrat Türk Birliyinin
təşkilatçılığı ilə
keçirilən "Rumıniyada türk
mədəniyyətinin izləri" simpoziumunun
iştirakçıları Buxarestin Tey parkındakı
Heydər Əliyev xiyabanına gələrək,
xalqımızın ümummilli liderinin burada
ucaldılmış büstünü ziyarət
etmişlər.
Türkiyənin elm adamları,
tarixçiləri, tədqiqatçıları
və görkəmli ziyalılarından ibarət
nümayəndə heyəti
büstün önünə
əklil və tər çiçəklər
qoyaraq, ulu öndər Heydər Əliyevin əziz xatirəsinə yüksək
ehtiramlarını ifadə
etmişlər.
Azərbaycan.-2007.-4 sentyabr.-S.3.