Teatrlar mövsümü açdı

Təntənəli günə Füzuli meydanında start verilib

Ötən gün Azərbaycan teatrının 135-ci mövsümünün təntənəli açılışı keçirilib. Teatr tarixində ilk dəfə olaraq təntənəli gün paytaxtdakı sənət ocaqlarının kollektivlərinin iştirakı ilə Füzuli meydanında keçirilib. Azərbaycan Dövlət Akademik Milli Dram Teatrının direktoru Maqbet Bünyatov bu il ilk dəfə olaraq mövsümün açılışının bu səviyyədə qeyd olunduğunu bildirib. Əvvəlcədən nəzərdə tutulduğu kimi həmin gün şəhər teatrları müxtəlif tamaşalarla çıxış edib. M.Bünyatovun sözlərinə görə, belə bir layihənin həyata keçirilməsinə səbəb bir sıra teatrların binasının əsaslı təmirdə olmasıdır. Qeyd edək ki, sözügedən layihə ilk dəfə olaraq ötən il Dövlət Dram Teatrının mövsümünün açılışı zamanı təşkil olunmuşdu.

Təntənəli açılışdan sonra hər bir teatr müvəqqəti fəaliyyət göstərdiyi binada mövsümün açılışını edəcək. Qeyd edək ki, Muğam Teatrı sentyabrın 15-də mövsümünə konsert proqramı ilə start verəcək. Teatrın direktoru Arif Qazıyev konsert proqramında teatrın solistlərinin çıxış edəcəyini qeydetdi.

Sentyabrın 15-də mövsümünü açacaq Azərbaycan Dövlət Musiqili Komediya Teatrı həmin gün Marat Haqverdiyevin "Qısqanc ürəklər" tamaşasını göstərəcək. Azərbaycan Dövlət AkademikOpera və Balet Teatrı isə tamaşaçıların görüşünə Üzeyir Hacıbəyovun "Koroğlu" operası ilə gələcək. Teatr mövsümünü sentyabrın 18-də Üzeyir Musiqi Günündə açan Dövlət Gənclər Teatrı reyissor Sərvər Əliyevin quruluşunda səhnələşdirilmiş Üzeyir Hacıbəyovun "Ər və arvad" tamaşasını nümayiş etdirəcək.

Azərbaycan Dövlət Akademik Milli Dram Teatrı sentyabrın 20-də "Natəvan" tamaşasını nümayiş etdirəcək. Oktyabrın ilk ongünlüyündə mövsümünü açmağı planlaşdıran "Çiçəyim" Uşaq Teatrı azyaşlı tamaşaçılar üçün "Tıq-tıq xanım"ı östərməkfikrindədir. Dövlət "Yuğ" Teatrı mövsümünü sentyabrın əvvəllərində açmağı qərarlaşdırsa da, bu, bir az ləngiyir. Mövsümün açılış günü teatrda Orxan Fikrətoğlunun "Tas" əsəri əsasında hazırlanmış eyniadlı tamaşa nümayiş etdiriləcək. Vaqif İbrahimoğlunun quruluş verdiyi tamaşanın baş rollarını Qasım Nağı, Ruslan Əfəndi, Zümrüd Bəxtiyar və Gülzar Qurbanova ifa edirlər

Kaspi.- 2007.- 15-17 sentyabr.- S. 22.