Aktyor Şahin Cəbrayılov vəfat edib

Azərbaycan Dövlət Akademik Milli Dram Teatrının aktyoru Şahin Cəbrayılov uzun sürən xəstəlikdən sonra bu gün saat 11:00 radələrində dünyasını dəyişib. Aktyorun ailəsindən APA-ya bildirilib ki, aktyorla vida mərasimi onun öz evində keçirilib. Dünən saat 14:00-da isə mərhum Xırdalan qəbiristanlığında torpağa tapşırılıb. Qeyd edək ki, bir müddət əvvəl 58 yaşlı aktyor infarkt diaqnozu ilə Mərkəzi Neftçilər Xəstəxananın kardiologiya şöbəsində müalicə olunub. Daha sonra isə o, müalicəsini başa vuraraq xəstəxanadan evə köçürülmüşdü. 12 ildən artıqdır ki, beyin iflicindən əziyyət çəkən Şahin Cəbrayılov 30 ildən artıq səhnə fəaliyyəti ilə məşğul olub. O, “Kökdən düşmüş piano”, “Qatar”, “Topal Teymur” televiziya tamaşalarında, “Yol əhvalatı” filmində rol alıb. Onun səhnədən uzaqlaşmasına məhz səhhəti ilə bağlı yaşadığı problemlər səbəb olub

Yeni Azərbaycan.-2007.- 6 sentyabr.-S.8.