Zümrüd
Londonda Azərbaycan kitabxanası
yaradılıb
Böyük Britaniyada
fəaliyyət göstərən Azərbaycan diasporasının
təşəbbüsü ilə Londonda Azərbaycan
kitabxanası yaradılıb.
"İrəli"
Ümumrespublika Gənclər hərəkatının
həmtəsisçisi Elnarə Qəribovanın Londonda kitabxana
yaradılması işinə hərəkatın Avropa ofisi
də dəstək verib: "Londonda yaradılmış
Azərbaycan kitabxanası dünya ölkələri
üzrə birincidir. İlk dəfədir ki, xarici
ölkələrdən birində Azərbaycan kitabxanası
yaradılır". Elnarə Qəribova deyib ki, kitabxananın
kitablarla təmini istiqamətində hərəkat bir sıra
tədbirlər həyata keçirəcək və
müntəzəm olaraq kitabxanaya müxtəlif
sahələrə aid olan kitablar göndərəcək:
"Bir sözlə, "İrəli" bu işin
böyük bir qismini öhdəsinə götürüb.
Çalışacağıq ki, kitabxanaya gələn istənilən
hər bir şəxs özünü Azərbaycanda hiss etsin
və ölkəmiz barədə istənilən
məlumatları toplaya bilsin”.
Səs.- 2007.- 18 sentyabr.- S. 12.