Əfəndiyeva T.

Zaqatalada turizm inkişaf edir

Buraya xaricdən, özəlliklə də MDB ölkələrindən çoxlu qonaqlar gəlir

Azərbaycan milli adət-ənənələrinə görə qonaq başımızın tacı sayılır. Adətə görə qonaqla yaxşı davranılmalıdır ki, ev yiyəsindən narazı getməsin. Başqa məmləkətlərdən gələn turistlər bizim bu qonaqpərvərlik adətimizdən məmnun qalırlar. "Ayna"nın suallarını cavablandıran Zaqatala şəhər mədəniyyət və turizm şöbəsinin müdiri Ramazan Səfərov söylədi ki, turistlər əsasən bu bölgənin təbiətini və mətbəxini sevirlər: "Zaqatala mətbəxinin məxsusi yeməkləri başqa mahallarda hazırlanmır".

Ümumiyyətlə, Zaqatala turizmin inkişafı üçün əlverişli bölgələrdən biridir. Son iki ildə burada turizm inkişaf etməyə başlayıb. Zaqatalada turizmin inkişafı üçün hər cür şərait var. "Turistlər bu diyarın təbiətinə vurğundurlar", - deyə müsahibim söylədi.

Zaqatala şəhərində turistlərin xoş istirahət etməsi üçün mehmanxanalar, istirahət parkları, meydanlar, mədəniyyət müəssisələri var. Bclə ki, burada 8 turizm obyekti fəaliyyətdədir. Sözügedən obyektlər 228 yerlikdir. Ramazan Səfərov dedi ki, bu ilin sonuna qədər turistlərin rahatlığı üçün "Qafqaz" adlı mehmanxana inşa ediləcək. Eyni zamanda dağlar qoynunda yerləşən Qəbizdərədə yeni bir mehmanxananın tikilməsi də nəzərdə tııtulur. Sözügedən mchmanxanalarda xidmət növləri yüksək səviyyədə olacaq. Adlarını sadaladığımız mehmanxanalarda turistlər asudə vaxtlarını voleybol, futbol oynayaraq, balıq tutaraq keçirə bilərlər. Zaqatala şəhərinə başqa ölkələrdən, xüsusən MDB ölkələrdən qonaq turistlər gəlirlər.

Bəlli olduğu kimi, turizmin inkişafında əsas yeri yollar tutur. Müsahibim deyir ki, əgər yollar abadlaşarsa, turizm daha yaxşı inkişaf edər. Yeri gəlmişkən, son iki ildə yollarda bərpa işləri aparılır: "Demək olar ki, rayonun bütün küçələri asfaltlanır. Həmçinin rayonun kəndlərinə də asfalt yollar salınır: "İlin sonuna qədər bu abadlıq işləri başa çatacaq. Heydər Əliyev adına istirahət parkı yenidən qurulacaq, yeni fəvvarələr, istirahət guşələri tikiləcək. Bu il yeni muzey və diaqnostika mərkəzi açılacaq. Muzeydə Zaqatala şəhərinin tarixi canlanacaq. Yeni çoxmərtəbəli binaların inşası başa çatacaq".

Müsahibimin fıkrincə, neft sektorunun inkişafı dedikdə, turizmin inkişaf etdirilməsi ön planda yer almalıdır.

Ayna.- 2007.- 20 sentyabr.- S. 5.