Şamilqızı Ü.
Azərbaycan epiqrafiq abidələr
Məşədixanım Nemətin kitabının
4-cü cildi nəşr
olundu
Aprelin
29-da Azərbaycan Milli
Elmlər Akademiyasının
müxbir üzvü Məşədixanım Nemətin
"Azərbaycan epiqrafiq
abidələrinin toplusu
- Quba, Xaçmaz və Cənubi Dağıstan abidələri"
adlı kitabının
4-cü cildinin və
"Azərbaycanın maddi-mədəniyyət abidələri
erməni terrorunun hədəfi kimi"
adlı braşurunun
BMM-də təqdimat mərasimi keçirildi. Azərbaycan Milli Elmlər Akademiyasının müxbir
üzvü, görkəmli
epiqrafçı alim,
tarix elmləri doktoru, professor Məşədixanım Nemət
1948-ci ildən başlayaraq
Azərbaycanın bütün
tarixi ərazisini gəzib, ərəb qrafikasının müxtəlif
xətləri ilə ərəb-fars-türk dillərində dədə-babalarımızın daşlara həkk
etdikləri 2500-dən
çox daş səlnamələrini oxuyub,
Azərbaycanın iqtisadi-siyasi,
sosial-mədəni tarixi, memarlıq, sənətşünaslıq, filologiya,
islam-fəlsəfi-sufizm, toponimika, xalqımızın mənşəyinə
dair külli miqdarda yeni və
dəqiq faktlarla Azərbaycan tarixşünaslığını
zənginləşdirib.
Təqdimatı giriş
sözü ilə açan "Elm və Həyat" jurnalının şöbə
müdiri Ülkər
Hüseynova kitabın
necə ərsiyə gəlməsi haqqında məlumat verdi: "M.Nemətin yazdığı
"Azərbaycan epiqrofiq
abidələri" çox
cildli toplusu Azərbaycan tarixinin öyrənilməsində qiymətli
mənbədir. O, Azərbaycanda olan 441 abidəni şəxsən
gəzib-dolaşıb.
Əsərin birinci cildində Bakı-Abşeronun ərəb-fars-türk dilli kitabələri (XI-XX əsrin
əvvəli), ikinci cildində Şəki-Zaqatala bölgəsinin ərəb-fars-türk dilli kitabələri, üçüncü cildində
Naxçıvan Muxtar
Respublikasının ərəb-fars-türk dilli kitabələri öyrənilib.
Məşədixanımın 14-cü əsrə həsr etdiyi kitabın ikinci cildi birincidən
10 il sonra işıq üzü görüb. Üçüncü
Naxçıvan MR-na həsr olunmuş cildində 331 abidə haqqında yazılıb. Bu kitab haqqında
alimlər, mütəxəssislər
öz fikirlərini bildirəcəklər. Amma mən
sözün əsl mənasında deyirəm ki, nəşr olunan bu kitab
cildlərinin analoqu yoxdur. Çünki Məşədixanımın qadın
olmasına, yağışlı-soyuq havalara belə baxmayaraq, o, bu abidələri,
qəbirləri bir-bir
tapıb, araşdırıb
və yazıb. Bu cür işləri həyata keçirmək hər insanın hünəri deyil, amma M.Nemət qadınlığıyla işlərin
öhdəsindən gəlib
və indi bu araşdırmalar nəticəsində belə
bir dəyərli kitab ərsəyə gəlib".
Bununla belə, Ülkər Hüseynova bildirdi ki, M.Nemət "Azərbaycanın epiqrafiq abidələri" toplusunun
I, II, III cildlərinə görə,
Küveyt Geynəlxalq
İslam Xeyriyyə Təşkilatının elan
etdiyi "BABTEYH" müsabiqəsinin
qalibi olub və 10 min dollarlıq mükafata layiq görülüb.
Tədbirdə həmçinin M.Nemətin 500 tirajda nəşr olunan "Azərbaycan epiqrafiq abidələri" kitabı
ilə birgə 250 sayda "Azərbaycanın
elm və mədəniyyət xadimləri
(biblioqrafiya)" və
500 nüsxədən ibarət
olan "Azərbaycanın
maddi-mədəniyyət
abidələri erməni
terrorunun hədəfi kimi" adlı braşurlar iştirakçılara təqdim
olundu.
Məşədixanım Nemət
öz çıxışında
sözü gedən kitab haqqında söhbət açdı:
"Mən tədbirdə
iştirak edənlərə
öz təşəkkürümü
bildirirəm. "Azərbaycanın
epiqrafiq abidələri"
toplusunun bu yaxınlarda nəşr olunan IV cildi Quba-Xaçmaz və Cənubi Dağıstan zonasının kitabələrinin
tədqiqinə həsr
olunub. Bu abidələrin tədqiq
olunması əlbətdə
ki, həm vaxt, həm də diqqət tələb edir. Çünki bu elə bir sahədir
ki, burada dəqiqlik olmalıdır.
Əlbəttə ki, kitabın işıq üzü görməsi uzun illərlə aparılan tədqiqatlar nəticəsində ərə-ərsiyə gəlib.
Bu cür tarixi araşdırmalar bəzən 10 illərlə
vaxt aparır. Hazırda mən həmin çoxcildli toplunun V cildini nəşrə hazırlayıram".
Bundan başqa təqdimatda AMEA-nın müxbir üzvləri Fəridə Məmmədova,
Vəli Əliyev, elmlər doktoru Şamil Fətullayev və digər ziyalılar çıxış
edərək kitab haqqında öz fikirlərini söylədilər
Xalq cəbhəsi.- 2008.- 30 aprel.- S. 13.