Əliyev Ə.

Cenevrədə Azərbaycan fotoqraflarının sərgisi açılmışdır

Azərbaycanın Birləşmiş Millətlər Təşkilatının Cenevrə bölməsi yanında daimi nümayəndəliyindən AzərTAc-ın xüsusi müxbirinə bildirmişlər ki, aprelin 18-də Cenevrənin Milli sarayında Azərbaycan fotoqraflarının "Mədəniyyətlərin qovuşduğu ölkə: müxtəliflikdə qüvvə" adlı sərgisinm təntənəli açılışı olmuşdur.

Birləşmiş Millətlər Təşkilatı Baş katibinin müavini, qurumun Cenevrədəki bölməsinin baş direktoru Sergey Orconikidze çıxış edərək BMT çərçivəsində mədəni tədbirlərdə fəal iştiraka görə Azərbaycan nümayəndəliyinə təşəkkürünü bildirmiş, sərginin təşkilinin əsas prinsipi sülh və dözümlülük olan təşkilatla ölkəmiz arasında əlaqələrin inkişafına əyani sübut olduğunu xüsusi qeyd etmişdir.

Baş direktor Azərbaycanda çoxsaylı etnik qrup və din nümayəndələrinin yerli əhali ilə sülh və mehriban şəraitdə yaşadığını qeyd etmiş,- milli azlıqlara qarşı dözümlülüyü yüksək qiymətləndirmişdir. S.Orconikidze Azərbaycanın zəngin etnik və dini palitrasının sərgiyə tamaşa edənlərdə böyük təəssürat oyadacağına əmin olduğunu bildirmişdir. O, hazırda BMT-nin himayəsi altında keçən mədəniyyətlərarası və sivilizasiyalararası dialoqa Azərbaycanın xüsusi töhfələr verdiyini və "Sivilizasiya ittifaqı" təşəbbüsünün reallaşmasında oynadığı rolu yüksək qiymətləndirmişdir.

Sərginin açılışında Cenevrədə akkreditə olunmuş diplomatilk korpusun nümayəndələri, beynəlxalq və qeyri-hökumət təşkilatlarının təmsilçiləri, İsveçrədə yaşayan və bu ölkədə təhsil alan azərbaycanlılar iştirak etmişlər.

Azərbaycan.- 2008.- 20 aprel.- S. 9.