Sarıyeva İ.

 

Həmyerlimiz Fuad Şabanovun erməni aktyoru barədə film çəkməyi az imiş...

 

Bəzi rəsmilər Azərbaycan müəlliflərinin hüquqlarının ciddi şəkildə qorunduğunu iddia etsələr də, son dövrün müşahidələri bunun əksini düşünməyə əsas verir. Bir neçə ay əvvəl Amerika səsyazma şirkətlərinin birində klassik Azərbaycan bəstəkarlarının bir neçəsinin əsərlərindən ibarət SD buraxılmış və burada yer alan əsərlər erməni musiqisi nümunələri kimi təqdim edilmisdi.

Həmin ərəfədə ORT kanalında böyük Azərbaycan bəstəkarı Tofiq Quliyevin məşhur Sənə də qalmaz mahnısı erməni mahnısı kimi təqdim edildi. Əslində, birinci dəfə deyil ki, ORT kanalı Azərbaycan bəstəkarlarının mahnılarını erməni musiqisi kimi təqdim edir. Analoji hal dəfələrlə təkrar olunub. Lakin buna qarşı heç bir tədbir görülməyib. Ermənilər bütün dünyada Azərbaycan musiqisini öz adına çıxır, biz isə buna beynəlxalq səviyyədə təpgi göstərmək əvəzinə, ağzımıza su alıb susuruq. Elə bil ki, bizim yerimizə kimsə danışmalı, haqqımızı bərpa etməlidir. Məlum olduğu kimi, bəstələri oğurluğa məruz qalan bəstəkarlardan biri Bəstəkarlar İttifaqının sədri, əməkdar incəsənət xadimi Eldar Mansurovdur. E.Mansurovun mahnıları təkcə ermənilər tərəfindən deyil, bir sıra başqa xalqlar tərəfindən mənimsənilib. ORT-nin yayımladığı Gözlə məni verilişində E.Mansurovun məşhur Melodiya bəstəsi müəllifsiz musiqi nümunəsi kimi təqdim edilib. Day.az saytının yaydığı məlumata görə, Moskvada yaşayan həmyerlimiz, kinorejissor Fuad Şabanov qəhrəmanq nümayiş etdirərək, ORT-dən irəli gedib erməni aktyoru Frunzik Mkırtıçyan haqqında çəkdiyi sənədli filmdə,,Gecə zəngləri yanaşı, E.Mansurovun sözügedən mahnısından da istifadə edib bu mahnını erməni mahnısı kimi təqdim edib.

Olayla bağlı E.Mansurovun mövqeyini öyrənmək istədik. Eldar müəllim bizimlə söhbətində Fuad Şabanovun filminə münasibət bildirmək istəmədi. ORT-nin onun mahnısına bəslədiyi münasibətə gəldikdə, o, Mən o kanalı suçlaya bilmərəm. Onlar mənim mahnımı səsləndirib adımı elan etmirlər. Gəlin, Azərbaycan telekanallarına, radiolara fikir verək, bəyəm onlar mahnını elan edəndə onun müəlliflərinin adını çəkirlər? Əlbəttə ki, yox. televiziyalarda, radiolarda səslənən mahnıların müəlliflərinin adı çəkilmir. Musiqini eşidən onun müəlliflərinin kimliyini bilmir. vaxt ki, bizdə televiziyalar, radiolar mahnı müəlliflərinin adını qeyd ediləcək, bu mahnının müəllifləri filankəslərdir deyəcək, onda xarici telekanallar da biz müəlliflərə hörmətlə yanaşacaq. bizim mahnıları verəndə adımızı çəkəcəklər.

Bəstəkarlara müəllif kimi öncə öz ölkəmizdə hörmət edilməlidir. Dövlətdə qanun olmalıdır ki, efirə verilən musiqinin sözlərinin və musiqisinin kimə məxsus olduğu elan olunsun. Sovet dövrünü bəyənmirik, deyirik ki, imperiyadır. Amma o dövrdə mahnı müəlliflərin hüquqları daha yaxşı qorunurdu - deyə E.Mansurov bildirdi.

 

Bakı xəbər.- 2008.- 25 aprel.- S. 15.