Bəxtiyar

 

"Sarı gəlin" musiqi albomunun təqdimat mərasimi keçirilib


Dünən Azərbaycan Milli Elmlər Akademiyasının (AMEA) İnsan Hüquqları İnstitutunda "Bizim mahnı, bizim türkü" seriyasından "Sarı gəlin" xalq mahnısının yer aldığı musiqi albomunun təqdimat mərasimi keçirilib. AMEA-nın İnsan Hüquqları İnstitutunun direktoru Rövşən Mustafayev bildirib ki, neçə illərdir ermənilər məqsədli şəkildə türk mədəniyyət nümunələrini öz adına çıxır dünyanı yalanlarına inandırmağa çalışır. Onun sözlərinə görə, Azərbaycan müstəqilliyini qazandıqdan sonra öz musiqisinin təbliği istiqamətində əhəmiyyətli addımlar atmağa başlayıb. O, "Sarı gəlin" musiqi albomunun hazırlanmasını da bu qəbildən olan kimi dəyərləndirib.

   Millət vəkili Qənirə Paşayeva bildirib ki, "Sarı gəlin" mahnısının bu şəkildə təqdim edilməsi Azərbaycan üçün böyük önəm daşıyır. Onun sözlərinə görə, ermənilər bu mahnının özününküləşdirilməsi istiqamətində xeyli görüblər: "Azərbaycan mədəniyyət nümunələrini bu şəkildə təqdim etməklə ermənilərin yalanlarını ifşa edirik. Bu diskin sayını artırıb, ölkəmizə gələn beynəlxalq təşkilatların, eyni zamanda xarici dövlətlərin nümayəndələrinə təqdim etmək lazımdır. Həmçinin diskin adına uyğun veb səhifə yaradılmalıdır. Əgər "Sarı gəlin" xalq mahnısını bu şəkildə internetdə yerləşdirsək, onun türk millətinə məxsusluğunu təsdiq etmiş oluruq".

   Əsir İtkin Düşmüş, Girov Götürülmüş Vətəndaşlarla Əlaqədar Dövl
ət Komissiyasının katibi Şahin Sailov bu xalq mahnısının 67 versiyada olduğunu, lakin diskdə 17-nin yer aldığını bildirib. Onun sözlərinə görə, xalq mahnısı "Şur" muğamının ən çətin "Bayatı-Kürd" şöbəsindədir bunu hər xanəndə oxumağı bacarmır: "Belə olan halda ermənilərin bu mahnını mənimsəməsi sual doğurur. Hesab edirəm ki, mahnı ilə yanaşı, muğam da bu şəkildə hazırlanıb, təqdim edilməlidir".

   AMEA-nın İnsan Hüquqları İnstitutunun direktor müavini, layihənin rəhbəri Araz Qurbanov bildirib ki, mahnının Yəmən-ərəb, İran, Azərbaycan Anadolu türkcəsində versiyaları var. Onun sözlərinə görə, diskdə yığılmış musiqi ortaq şəkildə Anadolu Azərbaycan türkcəsində ifa edilib.

 

525-ci qəzet.- 2008.- 5 aprel.- S. 25.