İlhamə Quliyeva Dağıstanın "Xalq artisti" oldu

Azərbaycanın Xalq artisti İlhamə Quliyevaya Rusiya Federasiyası Dağıstan Respublikasının "Xalq artisti" fəxri adı verilib. İ.Quliyeva APA-ya açıqlamasında xəbəri təsdiqləyib: "Dağıstan Prezident Aparatından zəng edərək fəxri ada layiq görüldüyümü bildirdilər və məni təbrik etdilər. Dağıstanda çox konsertlərim olub. İndi də bu respublikanın tamaşaçıları qarşısında böyük bir konsert proqramı ilə çıxış etməyə hazırlaşıram.

Xalq artisti konsert proqramını bu ilin sentyabr-oktyabr aylarında gerçəkləşdirməyi nəzərdə tutur: "Bu konserti Azərbaycanda keçiriləcək prezident seçkiləri ərəfəsində təşkil etməyi planlaşdırıram".

Ekspress.- 2008.- 24 aprel.- S. 11.