Xalq teatrlarının I ümumrespublika baxış-müsabiqəsinin 2-ci turuna yekun vurulmuşdur

Aprelin 25-də Abdulla Şaiq adına Dövlət Kukla Teatrında xalq teatrlarının I ümumrespublika baxış-müsabiqəsinin 2-ci turuna yekun vurulmuşdur.
Mədəniyyət və turizm naziri Əbülfəs Qarayev Prezident İlham Əliyevin paytaxt və bölgə teatrlarının yenidən qurulmasına göstərdiyi diqqət və qayğıya görə minnətdarlığını bildirmişdir. Nazir baxış-müsabiqədə ölkəmizin 11 bölgəsindən 44 xalq teatrının 400-ə yaxın üzvünün iştirak etdiyini bildirmişdir. Natiq qeyd etmişdir ki, əsas məqsəd xalq yaradıcılığının inkişafı, mədəniyyət müəssisələrinin işinin daha səmərəli təşkili, gənc nəslin özfəaliyyət teatr kollektivlərinə cəlb edilməsi, bölgələrdə əhalinin teatr sənətinə marağının artırılmasından ibarətdir.

Azərbaycan.- 2008.- 26 aprel.- S. 7.