"Azərbaycan 2008: inkişafa doğru"

 

Moskva Karneqi Mərkəzində ölkəmizlə bağlı konfrans keçirilir


Moskva Karnegi Mərkəzi və Azərbaycan Prezidenti yanında Strateji Təhqiqatlar Mərkəzinin təşkilatçılığı ilə dünən Moskvada "Azərbaycan 2008: inkişafa doğru" adlı iki günlük konfrans başlayıb.
APA-nın Rusiya bürosunun məlumatına görə, konfransda çıxış edən Azərbaycanın Rusiyadakı səfiri Polad Bülbüloğlu ölkəmizə həsr olunmuş konfransın təşkilinə görə Karneqi Mərkəzinə minnətdarlıq edib. Konfransın birinci hissəsində 2008-ci ilin Azərbaycana geosiyasi geoiqtisadi baxımdan verəcəyi barədə çıxışlar edilib, müzakirələr aparılıb.

   
Bu mövzuda Azərbaycan Prezident Aparatı siyasi təhlil və informasiya təminatı şöbəsinin müdiri Elnur Aslanov, Postsovet Məkanında İctimai-siyasi Proseslərin Öyrənilməsi İnformasiya-analitik Mərkəzinin direktor müavini Aleksey Vlasov, Rusiyanın 1-ci kanalında "Sudite sami" verilişinin aparıcısı Maksim Şevçenko çıxış ediblər. Onlar Azərbaycanın siyasi iqtisadi inkişafı, Cənubi Qafqaz Xəzər regionunda yeri, Azərbaycanla Rusiya arasında mövcud olan dostluq münasibətləri barədə fikirlər səsləndiriblər. Natiqlər yaxın gələcəkdə enerji resurslarının qiymətinin düşməsi, Azərbaycanın Rusiya ilə Avropa arasında körpü olması, Dağlıq Qarabağ münaqişəsinin sülh yolu ilə nizamlanmasının vacibliyi digər məsələlərə toxunublar. Çıxışlarda Azərbaycanın Rusiya ilə Gürcüstan münasibətlərində mövcud problemlərin həllində körpü rolunu oynaya biləcəyi vurğulanıb.

  
 Seksiyanın gedişində Azərbaycanda rus dilinin mövcud durumu məsələsi müzakirə olunub. Çıxış edən natiqlər Azərbaycanın ali orta məktəblərində rus sektorlarının fəaliyyət göstərdiyini, ölkədə çoxsaylı rus icma diasporunun fəaliyyət göstərdiyini vurğulayıblar. Böyük Britaniyanın qeyri-hökumət təşkilatlarından birinin rəhbəri olan Denis Samut çıxışında Azərbaycan iqtisadiyyatının inkişaf mərhələlərini təhlil edib, həmçinin Dağlıq Qarabağ münaqişəsinə toxunub. O, istər konfrans iştirakçılarının, istərsə dünya ictimaiyyətinin bu problemin həllinə həssaslıqla yanaşmasının vacibliyinə toxunub. Konfransda müzakirə olunan məsələlər sırasında Rusiya telekanallarının Azərbaycanda yayımının dayandırılması, iki ölkə arasında siyasi mədəni münasibətlər olub. Konfrans iştirakçıları Azərbaycanda milli, dini mədəni azlıqların hüquqlarına xüsusilə hörmətlə yanaşıldığını vurğulayıblar.

 

525-ci qəzet.- 2008.- 5 aprel.- S. 2.