Soyqırımı Gününə həsr olunan kitab sərgisi...

Mirzə Fətəli Axundov adına Milli Kitabxanada Vaqif Abışovun "Azərbaycanlıların soyqırımı" kitabının təqdimatı və 31 Mart - Azərbaycanlıların Soyqırımı Gününə həsr olunan kitab sərgisi keçirilib. Tədbiri giriş sözü də kitabxananın direktoru Kərim Tahirov açaraq, faciənin Azərbaycan xalqının qan yaddaşında əbədi iz buraxdığını qeyd edib. Mədəniyyət və Turizm Nazirliyinin şöbə müdiri Fikrət Babayev erməni vəhşilikləri, onların törətdikləri əməllərdən danışıb. Professor Vaqif Arzumantlı əsrlər boyu ermənilərin Azərbaycan xalqına qarşı törətdikləri müsibətlərdən , on minlərlə dinc əhalinin soyqırım siyasətinin qurbanına çevrilməsindən, öz doğma ata-baba yurdundan deportasiya olunmasından söz açıb. Tədbirdə tariximizin qanlı səhifəsini əks etdirən yüzə yaxın kitab, jurnal və qəzet materialları əsasında təşkil olunan sərgi nümayiş olunub.

Səs.- 2008.- 1 aprel.- S. 16.