"Çırpınırdı,
Qara dəniz" Qafqaz İslam Ordusunun komandiri Nuru Paşaya ithaf edilib
Dünən tanınmış müğənni,
əməkdar artist Azərin
"Çırpınırdın, Qara dəniz"
mahnısına çəkdirdiyi ikinci klipin
təqdimatını keçirdi. Sözləri Əhməd Cavada, musiqisi Yzeyir Hacıbəyova məxsus olan mahnıya klipi türkiyəli rejissor Aşkın Sağıroğlu çəkib.
Layihənin ssenari müəllifləri Ömər
Lütfü Mete və Sevil Nuriyevadır.
Klip "Asiya Dialoqu" İctimai Birliyi, Qafqaz Media
Mərkəzi və Qara Dəniz Qeyri-Hökumət
Təşkilatları Konfederasiyasının birgə
təşkilatçılığı ilə
çəkilib. Tədbirdə çıxış edən Qafqaz Media Mərkəzinin rəhbəri Sevil Nuriyeva klipin Qafqaz İslam Ordusunun komandiri Nuru Paşaya ithaf edildiyini bildirdi. "Sözləri
1914-cü ildə Azərbaycan
şairi Əhməd Cavad tərəfindən yazılan bu mahnını 1918-ci ildə
Yzeyir Hacıbəyov bəstələyib. Mahnı Türk
Ordusunun Bakını erməni-rus birləşmələrindən azad etməsinə ithaf olunub", -deyən S.Nuriyeva layihənin davamı kimi Nuru Paşanın
və Türk Ordusunun qəhrəmanlığına
həsr edilən
"İstiqlal" sənədli
filminin çəkilişlərinə
hazırlıq görüldüyünü
söylədi.
Daha sonra çıxış edən Türkiyənin
Azərbaycandakı səfiri Hulusi Kılıc, millət
vəkilləri Gültəkin Hacıbəyli, Məlahət
İbrahimqızı, xalq artisti Amaliya Pənahova və
başqaları Qafqaz-İslam Ordusunun qələbəsinin
tarixi əhəmiyyətindən danışdılar.
Tədbirdə o da vurğulandı ki, dünən Türkiyəyə
aparılan klipin həmin ölkənin müxtəlif telekanallarında
nümayişi nəzərdə
tutulub.
Ekspress.- 2008.- 15 avqust.- S
.10.