Dünən Muzey Mərkəzində
Dövlət Film Fondunun təşkilatçılığı
ilə Azərbaycanın
xalq artisti, görkəmli aktyor və rejissor Şahmar Ələkbərovun
anadan olmasının
65 illiyinə həsr olunmuş tədbir keçirilib. APA-nın məlumatına görə,
tədbir Ş.Ələkbərovun
həyat və yaradıcılığını əks etdirən fotolentin nümayişi ilə başlayıb.
Dövlət Film Fondunun sədri Cəmil Quliyev,
kinoşünas Aydın Kazımzadə və başqaları
çıxış edərək, Ş.Ələkbərovun
intellektual insan və təsirli ifadə vasitələrinə,
məlahətli səsə malik aktyor olduğunu bildiriblər.
1967-ci ildə
"Dağlarda döyüş"
filmindəki Məzahir
obrazı ilə kinoya gələn Ş.Ələkbərov "Mən
ki gözəl deyildim", "Yeddi oğul istərəm",
"Axırıncı aşırım",
"Arxadan vurulan zərbə" və s. filmlərdə müxtəlif ekran qəhrəmanlarını yaradıb,
"Şəhərin yay
günləri",
"İmtahan", "Qəzəlxan"
filmlərinə quruluş
verib.
Ekspress.- 2008.- 16-18 avqust.- S. 15.