Bakı
Bəyannaməsi qəbul
edildi
Əbülfəs Qarayev:
"Mühüm olan odur ki, bu prinsiplər kağız
üzərində qalmasın"
"Bu bəyannamə ölkələr arasında
mədəniyyətlərarası dialoqun inkişafına təkan verdi. Mühüm olan odur ki bu
prinsiplər kağız
üzərində qalmasın"
Dekabrın 2-də Bakıda
öz işinə başlayan "Mədəniyyətlərarası
dialoq Avropa və onunla qonşu regionlarda davamlı inkişafın və sülhün əsasıdır" Avropa
Şurasına üzv
dövlətlərin mədəniyyət
və turizm nazirlərinin konfransında
Bakı Bəyannaməsi
qəbul edilib.
Sənəddə
iştirakçı ölkələrin mədəniyyət
məsələlərinə məsul şəxsləri
mədəniyyətlərin müxtəlifliyinə
yanaşmaya dair vahid prinsipləri təsdiqləyiblər. Bu prinsiplərə ölkələrin
daxilində və ölkələr arasında
mədəniyyət müxtəlifliyinin
bəşəriyyətin ümumi
irsi kimi təsdiqlənməsi, iştirakçı
ölkələrin mədəni
yaradıcılığa zəmin
yaradan dayanıqlı
iqtisadi, sosial və şəxsi inkişafa töhfə verməyə razı olması, insan haqları, demokratiya və hüquqi normalar baxımından beynəlxalq
əməkdaşlıq üçün
vacib olan mədəniyyətlərarası dialoqun daim inkişaf
etdirilməsinin təmin
edilməsi, milli, regional və yerli səviyyədə mədəniyyət siyasətlərinin
rolunun, əhəmiyyətinin
və onların mədəniyyətlərarası dialoqun inkişafına
köməyinin təsdiqlənməsi
və digər məsələlər aid
edilib.
Sənədə
əlavə olaraq mədəniyyətlərarası dialoqun
inkişafı üçün fəaliyyət formaları da
qəbul olunub. Bu fəaliyyət formalarına
Avropa Şurasına üzv dövlətlərdən
savayı digər dövlətlər və tərəfdaşlarla mədəniyyətlərarası
dialoq üzrə gələcək fəaliyyət
vasitəsi kimi "Mədəniyyətlərarası dialoqa dair Ağ
Kitab" müqabilində
müvafiq mətnlərin
yayılması, Avropa Şurası
və konfransda iştirak edən müxtəlif maraqlı tərəflər arasında
Bakıda qəbul edilən fikir prosesini davam etdirmək məqsədilə
birgə ekspert iclaslarının təşkili,
dialoqa, sülhə və davamlı inkişafa kömək etmək üçün birgə mədəniyyət
və bədii layihələr haqqında
təşəbbüslərin qəbul edilərək gerçəkləşdirilməsi, islam ölkələri Təhsil, Elm, Mədəniyyət Təşkilatı
(İSESCO) ilə konkret
fəaliyyətləri həyata
keçirməklə Avropa
Şurasının standart
və dəyərləri
əsasında mədəniyyətlərarası dialoqa
dayaq olmaq üzrə gələcək
planların nəzərə
alınması daxildir.
Mədəniyyət
və Turizm naziri Əbülfəz Qarayev: "Bu
bəyannamə ölkələr arasında
mədəniyyətlərarası dialoqun inkişafına
təkan verdi. Mühüm olan odur ki
bu prinsiplər kağız üzərində
qalmasın".
Konfransda
iştirak edən Türkiyənin mədəniyyət naziri
Ərtoğrul Günay, Rusiya Federasiyası prezidentinin
beynəlxalq mədəni əməkdaşlıq üzrə
xüsusi nümayəndəsi Mixail Şvıdkoy, Avropa
Şurasının təhsil, mədəniyyət, irs,
gənclər və idman Direktorluğunun baş direktoru
Qabriela Batani-Drakoni, Çexiyanın mədəniyyət
nazirinin müavini Frantişek Mikel Bakı konfransının
əhəmiyyətini və hətta
fenomenallığını bir daha vurğulayaraq
ölkəmizin Qərblə Şərq arasında
körpü missiyasını uğurla yerinə yetirdiyini,
konfransın məhz Bakıda təşkil edilməsində
məqsədin bu keyfiyyətləri dünyaya
nümayişləmək olduğunu, Bakı
Bəyannaməsindən böyük nəticələr
gözlədiklərini deyiblər. Bakı Bəyannaməsini
imzalayan ölkələrin
mədəniyyət və
turizm nazirləri Bakı konfransının Avropa və onunla qonşu dövlətlər arasında
mədəniyyət sahəsində
əməkdaşlığı inkişaf etdirmək üçün çox gözəl imkanlar təklif etdiyini nəzərə alaraq açıq dialoq və fikir mübadiləsinə
şərait yaratdığına,
qonaqpərvərliyə və
təşkilati məsələlərin
yüksək səviyyədə
həll edilməsinə
görə Azərbaycan
hökumətinə təşəkkür
ediblər.
Həftə içi.- 2008.- 4 dekabr.- S. 6.