Şərq
və Qərbin mədəni dünyası
Bakıda qovuşur
Paytaxtda
"Azercell"in sponsorluğu ilə Avropa Şurasına üzv dövlətlərin
mədəniyyət nazirlərinin
konfransı keçirildi
Dekabrın 2-3-də Bakıda Avropa Şurasına üzv dövlətlərin
mədəniyyət nazirlərinin
konfransı keçirildi.
"Mədəniyyətlərarası dialoq: Avropa və onun qonşu
regionlarında sülhün
və davamlı inkişafın əsasıdır"
mövzusundakı bu möhtəşəm tədbir
Azərbaycan Hökuməti
və Avropa Şurasının birgə
təşkilatçılığı ilə təşkil olunub.
Baş
sponsorluğu "Azercell Telekom" MMC tərəfindən
həyata keçirilən bu tədbir nəinki Azərbaycan,
eyni zamanda dünyanın iki fərqli qütbündə
yerləşən Şərq və Qərb
dövlətlərinin mədəni həyatı
üçün böyük əhəmiyyətə malikdir. Avropa Şurasına üzv dövlətlərin
mədəniyyət nazirlərinin
Bakı konfransı Azərbaycan Respublikasının
Prezidenti İlham Əliyevin təşəbbüsü
və xüsusi dəstəyi ilə həyata keçirilir. Konfransın geosiyasi mövqe baxımından sivilizasiyalar qovuşuğunda
yerləşən Bakıda
keçirilməsi Avropa
Şurasının rəhbərliyi
tərəfindən dəstəklənib.
Konfransın
açılış sessiyasında
"Mədəniyyətlərarası dialoqun ümumi
əsasları" barədə fikirlər səslənib,
Avropa Şurasına üzv dövlətlərin
mədəniyyət nazirlərinin konfransında qlobal
kulturoloji mövzular üzrə müzakirələr
aparılıb. İki günlük tədbir
zamanı beynəlxalq
mədəni əməkdaşlığın ən müxtəlif aspektlərinə nəzər
salınıb, Avropa və qonşu regionlarda davamlı inkişafın, sülhün
təmin edilməsində
mədəniyyətlərarası münasibətlərin imkanları
araşdırılıb. Daha
sonra işçi qruplar səviyyəsində
"Mədəniyyətlərarası dialoq naminə mədəniyyət sahəsində
tədbirlər planı,
proqramlar və təşəbbüslər. Müxtəlifliyin
idarə olunması üzrə yeni konsepsiyalar", "İrs
və mədəniyyətlərarası
dialoq-hamımız birlikdə milli irsdən dünyəvi irsə" və s. mövzularda müzakirələr aparılıb.
Konfransda
mədəniyyətlərarası dialoqa dair Bakı
bəyannaməsinin qəbul ediləcəyi gözlənilir. Bu sənəddə Avropa ilə onun qonşu regionları arasında dialoqun praktik vasitələrlə həyata
keçirilməsi nəzərdə
tutulur və bu əməkdaşlıq
prosesinin əsasının
Bakıda qoyulması xüsusi qeyd olunub.
Bir
sözlə, "Azercell"in dəstək verdiyi bu tədbir
Avropa mədəni proseslərində yeni bir istiqamətin -
"Bakı prosesi"nin əsasını qoyacaq. Bu istiqamətdə aparılacaq
tədbirlər həm
İslam, həm də Avropa mədəniyyətini özündə
ehtiva edən Azərbaycan mədəniyyətinin
beynəlxalq səviyyədə
təşviq olunması,
nüfuzunun yüksəldilməsi
və beynəlxalq proseslərdə ölkənin
əhəmiyyətinin artmasına
xidmət edəcək. Azərbaycan həm Avropa
Şurası, həm də İSESKO-nun üzvü olan yeganə dövlət olduğundan qeyd olunan konfrans Avropa ilə İslam dünyası arasında dialoqun inkişaf etdirilməsinə,
sivilizasiyalar arasında
əməkdaşlığın möhkəmlənməsinə böyük töhfə verəcək.
Ədalət.- 2008.- 4 dekabr.- S. 6.