Heydər Əliyevin xatirəsi
Budapeştdə xüsusi mədəni proqramla anılıb
Bu
günlərdə Macarıstanın paytaxtı Budapeşt
şəhərində Azərbaycan xalqının ümummilli
lideri Heydər Əliyevin vəfatının 5-ci
ildönümü ilə əlaqədar anım mərasimi
keçirilib. Tədbiri Azərbaycanın Macarıstandakı
səfiri Həsən
Həsənov açıb.
O, ulu öndərin
həyat və fəaliyyətindən, Azərbaycanın
ən yeni tarixindəki rolundan, ölkəmizin müstəqilliyinin
qorunub möhkəmləndirilməsi
üçün həyata
keçirdiyi uğurlu
siyasətdən, dünya
siyasi arenasında atdığı mühüm
addımlardan danışıb.
H.Həsənov H.Əliyev
tərəfindən təməli
qoyulan dövlətçilik,
demokratiya və azadlıq prinsiplərinin Azərbaycanın siyasətində
uğurla davam etdirildiyini vurğulayıb.
Sonra tədbirin bədii hissəsi başlayıb. Tanınmış
dirijor, əməkdar incəsənət xadimi, professor Yalçın Adıgözəlovun rəhbərliyi
ilə Dunay Simfonik Orkestri P.Çaykovskinin, S.Hacıbəyovun,
R.Vaqnerin, F.Əmirovun
əsərlərini səsləndirib.
Qeyd edək ki, tədbir Azərbaycan Mədəniyyət
və Turizm Nazirliyi və ölkəmizin Macarıstandakı
səfirliyi tərəfindən
təşkil olunub. Gecədə
Macarıstan parlamentinin
deputatları, bu ölkədə fəaliyyət
göstərən səfirliklərin
nümayəndələri, işgüzar dairələrin
nümayəndələri, diaspor təmsilçiləri,
Budapeştdə təhsil
alan azərbaycanlı
tələbələr iştirak
ediblər.
525-ci qəzet.- 2008.- 20 dekabr.- S. 23.