Məhəbbətoğlu Q.

 

Tuba Öztəkin: Növbəti sərgim Bakı illüminasiyaları olacaq

 

Muzey Mərkəzində müasir Amerika fotoqrafiya məktəbinin nümayəndəsi, türk fotorəssamı Tuba Öztəkin Köymənin İllüminasiyalar adlı sərgisi açılıb.

Sərgidə fotoqrafın Türkiyə ilə bağlı 17 əsəri nümayiş olunur. Sərgi dekabrın 20- kimi davam edəcək.

Tuba xanım bizimlə söhbətində Azərbaycanda düzənlənən ilk sərgisindən çox məmnun olduğunu dilə gətirdi. Sənətsevərlərin onun əsərlərinə göstərdikləri marağı nəzərə alan xanım bu səfəri çərçivəsində gənc foto ustaları üçün master-klass keçməyi nəzərdə tutduğunu bildirdi.  O, eyni zamanda Azərbaycan fotoqraflarının sənət əsərlərini toplamaq onların əsasında ABŞ-da sərgi düzənləmək niyyətindədir. Azərbaycanda özünün lentə alacağı fotomənzərələri dünyanın müxtəlif qalereyalarında nümayiş etdirmək fikrində olduğunu qeyd edən Tuba xanımın sözlərinə görə, o, mədəniyyət turizm naziri Əbülfəs Qarayevlə bu barədə söhbətlər aparıb: Nazir bu məsələ ilə bağlı mənə öz məsləhətlərini verib. Sözün düzü, bu səfərim məndə o qədər xoş ovqat yaradıb ki, Azərbaycanla bağlı fotolardan ibarət sərgini yaxın illərdə gerçəkləşdirəcəyimə şübhə etmirəm. Çalışacağam ki, növbəti dəfə Azərbaycanda düzənləyəcəyim sərgi Bakı illüminasiyaları adlansın. Tuba xanımın sözlərinə görə, Bakıda sərgi düzənləməyi ona ABŞ-da yaşayan Cəmilə adlı bir soydaşımız təklif edib.

20 yaşından əlinə fotoaparat alan Tuba xanım müasir fotoaparatlardan istifadə etmir. O, bu sevimli sənətində yalnız qeyri-adi, daha doğrusu, özü tərəfindən hazırlanmış fotoaparatdan istifadə edir. Tuba xanım həm rəssamdır. Lakin o, bu sənətlə o qədər məşğul olmur. Bu da onun öz fikirlərini sənətsevərlərə fotoaparatla daha yaxşı çatdıra bilməsindən irəli gəlir. Bu barədə söz düşəndə o: Mənim rənglərim , kətanım da elə fotoaparatdır, - deyir.

Qeyd edək ki, Tuba Öztəkin Köymən Ankara Bilkənt Universitetində qrafik dizayn ixtisası üzrə bakalavr dərəcəsi aldıqdan sonra ABŞ-ın Merilend Universitetində magistr dərəcəsinə yiyələnib. Artıq 14 ildir ki, o, Amerikada yaşayır. Tuba Öztəkinin ilk fərdi sərgisi 10 il bundan əvvəl elə bu təhsil ocağında sərgilənib. Daha sonra isə əsərləri Texas, Karolina, eləcə Meksika Türkiyədə nümayiş olunub. Hazırda o, Texasın Dallas şəhərindəki Texas Universitetində fotonun sirlərini gənclərə aşılayır.

 

Zaman.- 2008.- 18-19 dekabr.- S. 9.